ಚಿತ್ರದುರ್ಗ. ಡಿ.9. ವಿವಿದೆಡೆ ಸರಗಳ್ಳತನ ಮಾಡಿತ್ತಿದ್ದ ಕಳ್ಳರನ್ನು ಚಿತ್ರದುರ್ಗ ಪೋಲಿಸರು ಬಂದಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಪೋಲಿಸರು ಗಸ್ತಿನಲ್ಲಿರುವಾಗ ಅನುಮಾನಸ್ಪದವಾಗಿ ಓಡಾಡುತ್ತಿರುವುದನ್ನು ಗಮನಿಸಿ ವಿಚಾರಣೆ ಮಾಡಿದಾಗ ಕಳ್ಳತನ ಮಾಡಿರುವ ಬಗ್ಗೆ ಬಯಲಾಗಿದ್ದು ಹಣ ಹಾಗೂ ಮಾಲು ಸಹಿತ ವಶಪಡಿಸಿಕೊಂಡಿದ್ದಾರೆ.

ಚಿತ್ರದುರ್ಗ ಜಿಲ್ಲೆ ಬಡಾವಣೆ ಪೊಲೀಸರಿಂದ ಅಂತರ್ ಜಿಲ್ಲಾ ಸುಲಿಗೆಕೋರ ಮಹಿಳೆಯರ ಬಂಧನ,
ಆರೋಪಿತರಿಂದ 2,01,500/- ರೂ ಬೆಲೆ ಬಾಳುವ ಆಭರಣಗಳು ಹಾಗೂ 50,000/- ನಗದು ವಶ
ಇತ್ತೀಚೆಗೆ ಬಡಾವಣೆ ಠಾಣಾ ವ್ಯಾಪ್ತಿಯಲ್ಲಿ ಪ್ರಯಾಣಿಕರ ಸೋಗಿನಲ್ಲಿ ಬಸ್ ನಿಲ್ದಾಣಗಳಲ್ಲಿ,
ಬಸ್ಸುಗಳನ್ನು ಹತ್ತುವ ಮತ್ತು ಇಳಿಯುವ ವೇಳೆ ಪ್ರಯಾಣಿಕರ ಗಮನ ಬೇರೆಡೆ ಸೆಳೆದು ಕಳವು ಮಾಡುವ
ಹಾಗೂ ಬಸ್ಸಗಳಲ್ಲಿ ಪ್ರಯಾಣಿಕರಂತೆ ಕುಳಿತು ಪ್ರಯಾಣಿಕರ ಬಳಿ ಇರುವ ಬೆಲೆ ಬಾಳುವ ಆಭರಣಗಳನ್ನು ಕಳವು
ಮಾಡುವ, ಬಗ್ಗೆ ಪ್ರಕರಣಗಳು ವರದಿಯಾಗುತ್ತಿದ್ದು, ಈ ಬಗ್ಗೆ ಚಿತ್ರದುರ್ಗ ಬಡಾವಣೆ ಠಾಣೆಯಲ್ಲಿ 1] ಮೊ.ನಂ:-
129/2023 ಕಲಂ-392 ಐಪಿಸಿ & 2] ಮೊ.ನಂ: 158/2023 ಕಲಂ. 379 ಐಪಿಸಿ ರಿತ್ಯಾ
ಪ್ರಕರಣಗಳು
ದಾಖಲಾಗಿರುತ್ತವೆ. ಸದರಿ ಪ್ರಕರಣಗಳ ಆರೋಪಿತರ ಪತ್ತೆ ಸಲುವಾಗಿ ಮಾನ್ಯ ಮೇಲಾಧಿಕಾರಿಗಳು ನಗರದಲ್ಲಿ
ಸಂಜೆ ಗಸ್ತು ಹೆಚ್ಚಿಸುವಂತೆ ಹಾಗೂ ಜಾತ್ರೆ, ಮೆರವಣಿಗೆ, ಹೆಚ್ಚು ಜನರು ಸೇರುವ ಕಡೆ ಮಹಿಳೆಯರ ಬಂಗಾರದ
ಸರಗಳನ್ನು ಸುಲಿಗೆ/ಕಳುವು ಮಾಡುವವರ ಬಗ್ಗೆ ನಿಗಾವಹಿಸುವಂತೆ ಸೂಚಿಸಿರುತ್ತಾರೆ.
ಅದರಂತೆ ಬಡಾವಣೆ ಪೊಲೀಸ್ ಠಾಣೆ ಅಧಿಕಾರಿ & ಸಿಬ್ಬಂದಿಗಳು ದಿನಾಂಕ:04.12.2023 ರಂದು ಸಂಜೆ
ನಗರದ ಚಳ್ಳಕೆರೆ ಗೇಟ್ ಬಳಿ ಗಸ್ತಿನಲ್ಲಿರುವಾಗ ಅನುಮಾನಸ್ಪದವಾಗಿ ನಿಂತಿದ್ದ ಮೂವರು ಮಹಿಳೆಯರ ಹೆಸರು
ವಿಳಾಸ ಕೇಳಲಾಗಿ ಅಸ್ಪಷ್ಟ ಉತ್ತರ ನೀಡಿದ್ದು, ಸದರಿಯವರನ್ನು ಹೆಚ್ಚಿನ ವಿಚಾರಣೆಗೆ ಠಾಣೆಗೆ ಕರೆದು ತಂದು
ವಿಚಾರಣೆ ಮಾಡಿದಾಗ 1] ಮಹೇಶ್ವರಿ @ ರೇಖಾವತಿ @ ರಾಧ ಗಂಡ ರಾಘವೇಂದ್ರ ಸು 26 ವರ್ಷ, ಹತ್ತರಗಿ
ಗ್ರಾಮ, ಹುಕ್ಕೇರಿ ತಾಲ್ಲೂಕು, ಬೆಳಗಾಂ ಜಿಲ್ಲೆ, 2] ಸಂಜನಾ ಗಂಡ ಮಂಜುನಾಥ ಸು 25 ವರ್ಷ, ಹತ್ತರಗಿ ಗ್ರಾಮ,
ಹುಕ್ಕೇರಿ ತಾಲ್ಲೂಕು, ಬೆಳಗಾಂ ಜಿಲ್ಲೆ, 3] ಅಕಿಲಾ ಗಂಡ ಮಂಜುನಾಥ ಸು 35 ವರ್ಷ, ಹತ್ತರಗಿ ಗ್ರಾಮ, ಹುಕ್ಕೇರಿ
ತಾಲ್ಲೂಕು, ಬೆಳಗಾಂ ಜಿಲ್ಲೆ ಎಂಬುದಾಗಿ ಹಾಗೂ ಸರಗಳ್ಳತನ ಮಾಡುವುದಾಗಿ ತಿಳಿಸಿರುತ್ತಾರೆ. ಮುಂದುವರೆದು
ಪ್ರಕರಣಗಳಲ್ಲಿ ಸರಗಳ್ಳತನ & ಒಡವೆಗಳನ್ನು ಕಳವು ಮಾಡಿರುವುದಾಗಿ ಒಪ್ಪಿಕೊಂಡಿರುತ್ತಾರೆ.
ಸದರಿ ಆರೋಪಿತರಿಂದ
1) ಬಡಾವಣೆ ಠಾಣೆ ಮೊ.ನಂ:129/2023 ಕಲಂ.392 ಐಪಿಸಿ ಪ್ರಕರಣಕ್ಕೆ ಸಂಬಂಧಿಸಿದಂತೆ 20 ಗ್ರಾಂ ತೂಕದ
ತುಂಡಾದ ಬಂಗಾರದ ಮಾಂಗಲ್ಯ ಸರ ಅಂದಾಜು ಬೆಲೆ 1,00,000
2] ಬಡಾವಣೆ ಠಾಣೆ ಮೊ.ನಂ: 158/2023 ಕಲಂ, 379 ಐಪಿಸಿ ಪ್ರಕರಣಕ್ಕೆ ಸಂಬಂಧಿಸಿದ 20 ಗ್ರಾಂ ತೂಕದ 05
ಜೊತೆ ಬಂಗಾರದ ಕಿವಿಯೋಲೆಗಳು ಅಂದಾಜು ಬೆಲೆ 1,00,000 ಒಂದು ಜತೆ ಬೆಳ್ಳಿಯ ಕಾಲು ಚೈನು ಅಂದಾಜು
ಬೆಲೆ 1500 ಮತ್ತು 50,000 ರೂ ನಗದು ಹಣವನ್ನು ಅಮಾನತು ಪಡಿಸಿಕೊಳ್ಳಲಾಗಿದೆ.
ಆರೋಪಿತರು ಬಳ್ಳಾರಿ, ದಾವಣಗೆರೆ ಮತ್ತು ಕೊಪ್ಪಳ ಜಿಲ್ಲೆಗಳ ಅಪರಾಧ ಪ್ರಕರಣಗಳಲ್ಲಿ
ಭಾಗಿಯಾಗಿರುವುದು ತನಿಖಾ ಸಮಯದಲ್ಲಿ ಕಂಡುಬಂದಿರುತ್ತದೆ.
ಸದರಿ ಪ್ರಕರಣದ ಪತ್ತೆ ಕಾರ್ಯದಲ್ಲಿ ಭಾಗವಹಿಸಿದ ಬಡಾವಣೆ ವೃತ್ತದ ವೃತ್ತ ನಿರೀಕ್ಷಕರಾದ ಶ್ರೀ.ನಯೀಂ
ಅಹಮದ್, ಪಿ.ಎಸ್.ಐ. ಶ್ರೀ.ರಘು.ಟಿ. ಮತ್ತು ಸಿಬ್ಬಂದಿಯವರಾದ ಲಕ್ಷ್ಮಣ, ಮಂಜುನಾಥ, ವೀರೇಶ ಇವರ
ಕಾರ್ಯವನ್ನು ಮಾನ್ಯ ಪೊಲೀಸ್ ಅಧೀಕ್ಷಕರು ಶ್ಲಾಘಿಸಿರುತ್ತಾರೆ.