ಚಳ್ಳಕೆರೆ : ಹೊಷವರ್ಷ ಸಂಭ್ರಮಾಚರಣೆಗೆ ನಗರದ. ಬೇಕರಿ ಹಾಗೂ ಹೊಸ ಬಟ್ಟೆ ಖರೀದಿ ಬಲು ಜೋರಾಗಿತ್ತು. ತಾಲೂಕಿನಲ್ಲಿ ಬರಗಾಲದ ಪರಿಸ್ಥಿತಿ ಇದ್ದರು ನಗರ ಸೇರಿದಂತೆ ಗ್ರಾಮೀಣ ಪ್ರದೇಶದ ಸಾರ್ವಜನಿಕರು ಯುವಕ ಯುವತಿಯರು ಹಾಗೂ ವಿದ್ಯಾರ್ಥಿಗಳು ಹೊಸ ವರ್ಷ ಆಚರಣೆಗೆ ಭರದ ಸಿದ್ಧತೆ ನಡೆಸಿದ್ದಾರೆ 2024 ಹೊಸ ವರ್ಷದ ಆಗಮನದ ಹಿನ್ನಲೆಯಲ್ಲಿ ಪಟ್ಟಣದ ವಿವಿಧ ಬೇಕರಿಗಳಲ್ಲಿ ಬಗೆಬಗೆಯ ಕೇಕ್ ಗಳ ತಯಾರಿ ಹಾಗೂ ಮಾರಾಟ ಭರದಿಂದ ಸಾಗಿದ್ದು ಗ್ರಾಹಕರ ಗಮನ ಸೆಳೆಯುತ್ತಿವೆ.ಹೊಸ ವರ್ಷಾಚರಣೆಗೆ ಕೇಕ್ಗಳಿಗೆ ಹೆಚ್ಚಿನ ಬೇಡಿಕೆ ಕಂಡುಬಂದಿದ್ದು ದುಬಾರಿಯಾದರೂ ಪರವಾಗಿಲ್ಲ, ಹೊಸ ವರ್ಷಾಚರಣೆಗೆ ಕೇಕ್ ಬೇಕೆಬೇಕು ಎಂಬಂತಾಗಿದ್ದು ಈಗಾಗಲೇ ಬೇಕರಿಗಳಲ್ಲಿ ನೂರಾರು ಸಂಖ್ಯೆಯ ಕೇಕ್ಗಳು ತಯಾರಾಗಿ ಪೈಪೋಟಿಯ ಮೇಲೆ ರಿಯಾಯಿತಿ ದರದಲ್ಲಿ ಮಾರಾಟವಾಗುತ್ತಿವೆ.
ನಗರದ ಬೆಂಗಳೂರು ರಸ್ತೆ ಬಳ್ಳಾರಿ ರಸ್ತೆ ಪಾವಗಡ ರಸ್ತೆ ಹಾಗೂ ಚಿತ್ರದುರ್ಗ ರಸ್ತೆಗಳಲ್ಲಿ ಇರುವ ಬೇಕರಿಗಳಲ್ಲಿ ಹೊಸವರ್ಷದ ಅಂಗವಾಗಿ ತಹರೇವಾರಿ ಕೇಕ್ ಗಳನ್ನು ಪ್ರದರ್ಶಿಸಿರುವುದು.
ನೂತನ ವರ್ಷದ ಸಂಭ್ರಮಾಚರಣೆಯನ್ನು ಕೇಕ್ ಕತ್ತರಿಸಿ ಸಿಹಿ ಹಂಚಿ ಆಚರಿಸುವ ಪರಿಪಾಟವಿದ್ದು ಕಾಲು ಕೆಜಿ ಗಾತ್ರದ ಸಣ್ಣ ಕೇಕ್ನಿಂದ ೧೦ಕೆಜಿಯ ಬೃಹತ್ ಗಾತ್ರದ ಕೇಕ್ಗಳನ್ನು ಬೇಕರಿಗಳಲ್ಲಿ ಮಾರಾಟಕ್ಕೆ ಸಿದ್ಧಪಡಿಸಲಾಗಿದೆ. ಡಿ.31ರ ರಾತ್ರಿ ಹೊಸ ವರ್ಷಾಚರಣೆಗೆ ಭರದಿಂದ ವ್ಯಾಪಾರ ಸಾಗಿದ್ದು ಜ.1ರಂದೂ ಕೂಡ ಕೇಕ್ ಮಾರಾಟ ಮುಂದುವರಿಯುತ್ತದೆ.ಕೇಜಿ ಕೇಕ್ ಗೆ ರು. 300 ರೂನಿಂದ 1200 ರೂವರೆಗೆ ಮಾರಾಟವಾಗುತ್ತಿದೆ ಗ್ರಾಹಕರ ಅಭಿರುಚಿಗೆ ತಕ್ಕಂತೆ ಜನರನ್ನು ತೃಪ್ತಿಪಡಿಸುವಲ್ಲಿ ಪಟ್ಟಣದ ವಾಸವಿ ಬೇಕರಿ ರಾಯಲ್ ಬೇಕರಿ ಶ್ರೀನಿವಾಸ ಬೇಕರಿ ಸೇರಿದಂತೆ ಪ್ರತಿಷ್ಠಿತ ಬೇಕರಿಗಳ ಮಾಲೀಕರು ಶುಕ್ರವಾರದಿಂದಲೇ ವಿವಿಧ ಕೇಕ್ ಗಳ ತಯಾರಿ,ಪ್ರದರ್ಶನ ಹಾಗೂ ಮಾರಾಟ ನಡೆಯುತ್ತಿದೆ.
ಹೊಸವರ್ಷದ ಆಚರಣೆಯ ವೇಳೆ ಹೆಚ್ಚಿನ ಕೇಕ್ ಗೆ ಡಿಮ್ಯಾಂಡ್ ಇರುತ್ತದೆ.ಅದಕ್ಕಾಗಿ ಗ್ರಾಹಕರ ಬಯಕೆಗೆ ತಕ್ಕಂತೆ ಕೇಕ್ ಗಳನ್ನು ಸಿದ್ದಪಡಿಸಿ ಮಾರುತ್ತಿದ್ದೇವೆ. ಗ್ರಾಹಕರಿಂದ ಅರ್ಡರ್ ತೆಗೆದುಕೊಂಡು ಕೆಲ ಕೇಕ್ ತಯಾರಿಸಿದರೆ , ಮತ್ತೆ ಕೆಲ ಕೇಕ್ ಗಳನ್ನು ವಿವಿಧ ಮಾದರಿಗಳಲ್ಲಿ ನಾವೇ ತಯಾರಿಸುತ್ತೇವೆ
ಪವಿತ್ರಣ್
ಡಿಲೆಕ್ಸ್ ಓವನ್ ಪ್ರೆಷ್ ಬೇಕರಿ ಮಾಲೀಕ
ಫೈನಾಫಲ್, ಅರೇಂಜ್, ಐಸ್ ಕ್ರೀಂ ಕೇಕ್, ಆಪಲ್ ಕೇಕ್, ಚಾಕಲೇಟ್ ಕೇಕ್,ಹನಿಕೇಕ್,ಪ್ಲಂ ಕೇಕ್ ಸೇರಿದಂತೆ ಹಲವು ಬಗೆಯ,ನಾನಾ ತೂಕದ ಕೇಕ್ ಗಳು ಎಲ್ಲಾ ಬೇಕರಿಯಲ್ಲೂ ಸಿದ್ದಪಡಿಸಿದ್ದು, ಮಿಕ್ಕಿಮೌಸ್,ಹೂವಿನಕುಂಡ, ಹೃದಯ, ಗಿಟಾರ್,ಫ್ಲವರ್ ಸೇರಿದಂತೆ ವಿವಿಧ ಆಕೃತಿ ಹಾಗೂ ಬಣ್ಣದಲ್ಲಿ ಜನರು ಹೇಳುವ ಆಕೃತಿಯಲ್ಲಿ ಕೇಕ್ ತಯಾರಿಸಿಕೊಡುತ್ತಾರೆ.ಬೆಂಗಳೂರು ಬೇಕರಿಯ ಧರ್ಮರಾಜ್ ಅವರು ಕಳೆದ ಹತ್ತಾರು ವರ್ಷದಿಂದ ಹೊಸವರ್ಷದ ಆಚರಣೆ ಅಂಗವಾಗಿ ಆಕರ್ಷಕ ಕೇಕ್ ಗಳ ತಯಾರಿ ಮಾಡುತ್ತಿದ್ದು ಗ್ರಾಹಕರಿಗೆ ಕಡಿಮೆ ಬೆಲೆಯಲ್ಲಿ ಉತ್ಕೃಷ್ಟ ಕೇಕ್ ತಯಾರಿಸಿಕೊಡುತ್ತಾರೆ.
ಜಗದೀಶ್ ರಾಮಾಚಾರಿ
ಗ್ರಾಹಕ
ನಗರದಲ್ಲಿ ಹೊಸ ವರ್ಷ ಆಚರಣೆ ಹಿನ್ನೆಲೆಯಲ್ಲಿ ಪೊಲೀಸರು ಕಟ್ಟೆಚ್ಚರ ವಹಿಸಿದ್ದು ರಾತ್ರಿ ಇಡೀ ಗಸ್ತು ತಿರುಗಳು ಬಿಗಿ ಪೊಲೀಸ್ ಬಂದೋಬಸ್ತ್ ಮಾಡಿದ್ದು ಯಾವುದೇ ಅಹಿತಕರ ಘಟನೆಗಳು ನಡೆಯದಂತೆ ಈಗಾಗಲೇ ಮುನ್ನೆಚ್ಚರಿಕೆ ಕ್ರಮಗಳನ್ನು ಕೈಗೊಳ್ಳಲಾಗಿದೆ ಸಾರ್ವಜನಿಕರು ಪೋಲಿಸ್ ಇಲಾಖೆಯೊಂದಿಗೆ ಸಹಕರಿಸಬೇಕು ಕಿಡಿಗೇಡಿಗಳು ಅಹಿತಕರ ಘಟನೆಗಳನ್ನು ನಡೆಸಲು ಮುಂದಾದರೆ ನಿರ್ದಾಕ್ಷಣವಾಗಿ ಕ್ರಮ ಕೈಗೊಳ್ಳಲಾಗುವುದು
ಟಿಬಿ ರಾಜಣ್ಣ
ಡಿ ವೈ ಎಸ್ ಪಿ ಚಳ್ಳಕೆರೆ
ಒಟ್ಟಾರೆ ಹೊಸವರ್ಷ ಆಚರಣೆಯಲ್ಲಿ ಕೇಕ್ ವ್ಯಾಪಾರ ಭರಾಟೆಯಿಂದ ಕೂಡಿದ್ದು ಪಟ್ಟಣದ ಪ್ರತಿ ಬೇಕರಿಗಳಲ್ಲಿ ಗ್ರಾಹಕರಿಗಾಗಿ ಕೇಕ್ ಗಳು ಸಿದ್ದಗೊಂಡು ಕಾಯುತ್ತಿವೆ. ಯುವ ಜನತೆ ಮಧ್ಯರಾತ್ರಿ 12 ಗಂಟೆ ವೇಳೆಗಾಗಿ ಜಾತಕ ಪಕ್ಷಿಗಳಂತೆ ಕಾಯುತ್ತ ಕುಳಿತಿದ್ದು ನಗರದ ಪ್ರತಿಷ್ಠಿತ ಹೋಟೆಲ್ ಗಳು ಡಾಬಾಗಳು ಲೇಔಟ್ ಗಳು ಪಾರ್ಕ್ ಗಳು ಸೇರಿದಂತೆ ಹಲವಡೆಗಳಲ್ಲಿ ಸಿದ್ಧತೆಗಳು ಬರದಿಂದ ಸಾಗಿದ್ದು ಮಧ್ಯ ಮಾರಾಟಗಾರರು ಹೋಟೆಲ್ ಮಾಲೀಕರು ಬಟ್ಟೆ ಅಂಗಡಿಯ ಮಾಲೀಕರು ಸೇರಿದಂತೆ ವ್ಯಾಪಾರಸ್ಥರು ಉತ್ತಮ ವ್ಯಾಪಾರದ ನಿರೀಕ್ಷೆಹೊಂದಿದ್ದಾರೆ
0 Comments