ಚಳ್ಳಕೆರೆ ಜನಧ್ವನಿ ವಾರ್ತೆ ಜ.2. ನಗರದ ಗಲ್ಲಿ ರಸ್ತೆಗಳು ,ಚರಂಡಿಗಳು ಹಾಗೂ ನರಸಭೆ ಖಾಲಿ ನಿವೇಶನಗಳನ್ನು ಒತ್ತುವರಿ ಮಾಡಿಕೊಂಡು ಮನೆ ನಿರ್ಮಾಣಮಾಡಿಕೊಂಡರೂ ಹೇಳೋರಿಲ್ಲ ಕೇಳೋರಿಲ್ಲ ಎಂಬತಾಗಿದ್ದು ಕೂಡಲೆ ನಗರಸಭೆ ಆಸ್ತಿ ರಕ್ಷಣೆಗೆ ಅಧಿಕಾರಿಗಳು ಮುಂದಾಗುವಂತೆ ಮಾಜಿ ಪುರಸಭೆ ಅಧ್ಯಕ್ಷ ಪ್ರಭುದೇವ್ ಹೇಳಿದರು.

ನಗರದ ನಗರಸಭೆ ಕಚೇರಿ ಸಭಾಂಗಣದಲ್ಲಿ 2024-25 ನೇ ಸಾಲಿನ ನಗರದ ನಾಗರೀಕರಿಗೆ ಆಯೋಜಿಸದ್ದ ಆಯ-ವ್ಯಯ ಪೂರ್ವಭಾವಿ ಸಭೆಯಲ್ಲಿ ಭಾಗವಹಿಸಿ ಮಾತನಾಡಿದರು.
ಕಳೆದ ಸುಮಾರು ಐದು ವರ್ಷಗಳ ಆಯಾ –ವ್ಯಯಾ ಪೂರ್ವಭಾವಿ ಸಭೆಯಲ್ಲಿ ಭಾಗವಹಿಸಿ ನಗರದ ಬಹುತೇಕ ವಾರ್ಡ್ ಗಳಲ್ಲಿರುವ ಪಾರ್ಕ್ ಗಳ ರಕ್ಷಣೆ, ನಗರದ ನಗರದ ವಿವಿಧ ಬಡವಾಣೆಯ ಡಾಂಬರ್ ರಸ್ತೆಗಳನ್ನು ಪೈಪ್ ಲೈನ್ ಕಾಮಗಾರಿ ಹೆಸರಿನಲ್ಲಿ ಗುಂಡಿಗಳನ್ನು ತೋಡಿದ್ದು ದುಸರಸ್ಥಿ ಮಾಡದೆ ವಾಹನಗಳು ಅಪಘಾತವಾಗುತ್ತಿವೆ. ಹಾಗೂ ನಗರದ ಬಹುತೇಕ ವಾರ್ಡ್ ಗಳಲ್ಲಿನ ರಸ್ತೆ, ಚರಂಡಿ ಹಾಗೂ ನಗರಸಭೆ ಆಸ್ತಿಗಳನ್ನು ಒತ್ತುವರಿ ತೆರವುಗೊಳಿಸುವಂತೆ ಪ್ರತಿ ಆಯ-ವ್ಯಯಾ ಸಭೆಯಲ್ಲಿ ಸಲಹೆ ನೀಡಿದ್ದರೂ ಸಹ ಅವುಗಳನ್ನು ಕಾರ್ಯಗತ ಗೊಳಿಸಿಲ್ಲ ಇದರಿಂದ ನಗರಭೆ ಬೊಕ್ಕಸಕ್ಕೆ ನಷ್ಟವನ್ನುಂಟು ಮಾಡುತ್ತಿದೆ ಎಂದರು.
ವಕೀಲ ಪಾಪಣ್ಣ ಮಾತನಾಡಿ ಪರಿಸರದ ದಿನಾಚರಣೆಯ ದಿನದಂದು ಮಾತ್ರ ಉದ್ಯಾಹ್ನವನದಲ್ಲಿ ಗಿಡಗಳನ್ನು ನೆಟ್ಟರೆ ಸಾಲದು ಯಾವ ಪಾರ್ಕ್ ಗಳಿಗೆ ತಂತಿ ಬೇಲಿ ಅಥವಾ ತಡೆಗೋಡೆ ಯಿಲ್ಲದೆ ಒತ್ತುವರಿಯಾಗುತ್ತಿವೆ. ಸುಮಾರ 30 ವರ್ಷಗಳಿಂದ ಕಂದಾಯ ಬಾಕಿ ಉಳಿಸಿ ಕೊಂಡಿರುವ ಗ್ರಾಹಕರಿಗೆ ಒ ಟಿ ಎಸ್ ಒಂದೇ ರಿಯಾತಿ ನೀಡುವ ಮೂಲಕ ಒಂದೇ ಕಂತಿನಲ್ಲಿ ಕರವಸೂಲಿ ಮಾಡಿದರೆ ನಗರಸಭೆಗೂ ಆಧಾಯ, ಗ್ರಾಹಕರಿಗೆ ಹೊರೆ ಕಡಿಮೆಯಾಗುತ್ತದೆ. ಅದೇ ರೀತಿ ನಗರದ ಸೋಮಗುದ್ದು ರಸ್ತೆಯಲ್ಲಿ ಸುಮಾರು ನೂರು ಮೀಟರ್ ರಸ್ತೆ ಒತ್ತುವರಿ ಮಾಡಿಕೊಂಡು ಅಕ್ರಮ ಮನೆಗಳನ್ನು ನಿರ್ಮಾಣ ಮಾಡಲು ಹೊರಟಿದ್ದಾರೆ ಇದರಕ್ಕೆ ಕಡಿವಾಣ ಹಾಕಿ ಅಂಗನವಾಡಿ ಕೇಂದ್ರಗಳು ಬಾಡಿಗೆದ ಕಟ್ಟಡದಲ್ಲಿವೆ ಅವುಗಳಿಗೆ ಕಟ್ಟಡ ನಿರ್ಮಾಣ ಹಾಗೂ ವಾಣೀಜ್ಯ ಮಳಿಗೆ ನಿರ್ಮಿಸಿದರೆ, ಒಂದು ಮನಗೆ ಎರಡು ಮೂರು ಅಕ್ರಮ ನಲ್ಲಿ ಸಂಪರ್ಕ ಪಡೆದುಕೊಂಡು ಮೂರು ಮಹಡಿ ಮನೆಗಳನ್ನು ನಿರ್ಮಿಸಿಕೊಂಡ ನಗರಸಭೆಗೆ ತೆರಿಗೆ ವಂಚನೆ ಮಾಡಿದವರೆ ಮೇಲೆ ಕಾನೂನು ಕ್ರಮ ಕೈಗೊಂಡು ವಸೂಲಿ ಮಾಡಬೇಕು ಅಧಿಕಾರಿಗಳು ನಗರಸಂಚಾರ ಮಾಡಿದರೆ ಸಮಸ್ಯೆಗಳು ತಿಳಿಯುತ್ತವೆ ಆದರೆ ಅಧಿಕಾರಿಗಳು ನಗರಸಂಚಾರ ಮಾಡುವುದನ್ನು ಕೈಬಿಟ್ಟಿದ್ದಾರೆ. ಸಾರ್ವಜನಿಕ ಸ್ಥಳಗಳಲ್ಲಿ ಶೌಚಾಲಯ , ಖಾಸಗಿ ಬಸ್ ನಿಲ್ದಾಣದಲ್ಲಿ ಕುಡಿಯುವ ನೀರು, ನಗರದ ಪ್ರಮುಕ ರಸ್ತೆ, ವಾರ್ಡ್ ಗಳಲ್ಲಿ ಬಿಡಾಡಿ ದನಗಳ ಹಾವಳಿ ಹೆಚ್ಚಾಗಿದ. ವಾಹನ ನಿಲುಗಡೆ ಸ್ಥಳದ ಬೀಗ ತೆರವುಗೊಳಿಸಿ, ಪುಟ್ ಬಾತ್ ರಸ್ತೆ ಒತ್ತುವರಿ ತೆರವುಗೊಳಿಸುವಂತೆ ಸಾರ್ವಜನಿಕರು ಅಧಿಕಾರಿಗಳ ಗಮನ ಸೆಳೆದರು.
ನಾಗರೀಕನೊಬ್ಬ ಖಾತೆ ಮಾಡಲು ನೀಡಿ ಆರು ತಿಂಗಳು ಕಳೆದರೂ ಇನ್ನೂ ಖಾತೆ ಮಾಡಿಲ್ಲ ಇನ್ನು ಎಷ್ಟು ದಿನ ಬೇಕು ಎಂದು ಸಭೆಯಲ್ಲಿ ಅಧಿಕಾರಿಗಳ ಗಮನ ಸೆಳೆದರು.
ಪೌರಾಯುಕ್ತ ಚಂದ್ರಪ್ಪ ಮಾತನಾಡಿ ಇದು ಆಯ-ವ್ಯಯ ಸಭೆ ಖಾತೆ ವಿಚಾರಲ್ಲಿ ಇಲ್ಲ ಬೇಡ ಇಷ್ಟು ದಿನ ನನ್ನ ಗಮನಕ್ಕೆಏಕೆ ತರಲಿಲ್ಲ. ಕಂದಾಯ ಅಧಿಕಾರಿಗಳು ಹಾಗೂ ಬಿಲ್ ಕಲೆಕ್ಟರ್ ಸಿಬ್ಬಂದಿ ಕೊರತೆ ಇದೆ ಸಿಬ್ಬಂದಿ ಕೊರತೆಯ ನಡುವೆಯೂ ಸಾರ್ವಜನಿಕರ ಕೆಲಸಗಳನ್ನು ಮಾಡಿಕೊಡಲಾಗುತ್ತಿದೆ ಎಂದು ಸಾರ್ವಜನಿಕರಿಗೆ ಉತ್ತರಿಸಿದರು.
ಸಮಾಜ ಸೇವಕ ಹೆಚ್.ಎಸ್. ಸೈಯಾದ್ ಮಾತನಾಡಿ ಪುಟ್ ಬಾತುಗಳು ಬೀದಿ ಬದಿ ವ್ಯಾಪಾರಿಗಳಿಗೆ ರತ್ನ ಕಂಬಳಿ ಹಾಸಿಕೊಟ್ಟಂತಾಗಿದೆ ತಿಂಡಿ ತಿನಿಸು, ಪಾನಿ ಪುರಿ ಸೇರಿದಂತೆ ವಿವಿಧ ಅಂಗಡಿಗಳ ವ್ಯಾಪಾರಸ್ತರು ಹೋಟೆಲ್ ತ್ಯಾಜ್ಯ, ಮುಸಿರೆ ಸೇರಿದಂತೆ ಪ್ಯಾಸ್ಟಿಕ್ ಲೋಟ, ಕವರ್ ಗಳನ್ನು ಚರಂಡಿಗಳಲ್ಲಿ ಹಾಕುವುದರಿಂದ ಗೊಬ್ಬೆದ್ದು ನಾರುತ್ತಿದ್ದು ಪುಟ್ ಬಾತ್ ರಸ್ತೆಗಳು ಕಿತ್ತುಹೋಗಿರುವುದರಿಂದ ನಗರಸಭೆ ಬೊಕ್ಕಸಕ್ಕೆ ನಷ್ಟವನ್ನುಂಟು ಮಾಡುತ್ತಿದೆ. ಕೂಡಲೆ ಬಳ್ಳಾರಿ ಹಾಗೂ ಪಾವಗಡ ರಸ್ತೆಗಳ ಹಗಲೀಕರ ಮಾಡುವ ಮೂಲಕ ವಾಹನಗಳ ಸುಗಮ ಸಂಚಾರಕ್ಕೆ ಅನುವು ಮಾಡಿಕೊಡುವಂತೆ ಹೇಳಿದರು.
31 ಸದಸ್ಯರಿಗೆ 5 ಸದಸ್ಯರು ಹಾಜರ್.

ಇಂದು ನಡೆಯಲಿರುವ ಆಯ-ವ್ಯಯ ಪೂರ್ವ ಭಾವಿ ಸಭೆ ಜಿಲ್ಲಾಧಿಕಾರಿಗಳ ಅಧ್ಯಕ್ಷತೆಯಲ್ಲಿ ನಡೆಯ ಬೇಕಿತ್ತು ಆದರೆ ಅವರೇ ಬಂದಿಲ್ಲ ಎಂದರೆ ನಾವೋ ಹೋಗೆ ಏನು ಪ್ರಯೋಜನ ಎಂಬಂತೆ ಸದಸ್ಯರಾದ ಮಲ್ಲಿಕಾರ್ಜುನ, ವೆಂಕಟೇಶ್, ತಿಪ್ಪಮ್ಮ , ನಾಗವೇಣಿ, ಮಂಜುಳಮ್ಮ ಇವರು ಮಾತ್ರ ಸಭೆಗೆ ಹಾಜರಿಯಾದರೆ ಉಳಿದ ಸದಸ್ಯರು ಗೈರು ಹಾಜರಿಯಾಗಿದ್ದರು.
ಅಧ್ಯಕ್ಷ ಉಪಾಧ್ಯಕ್ಷರ ಮೀಸಲಾತಿ ಪ್ರಕಟವಾಗದ ಕಾರಣ ಸುಮಾರು 8 ತಿಂಗಳಿಂದ ಜಿಲ್ಲಾಧಿಕಾರಿಯವರು ನಗರಸಭೆ ಅಧ್ಯಕ್ಷರಾಗಿದ್ದು ಇಲ್ಲಿಯವರೆಗೆ ಒಂದು ಸಭೆ ಕರೆಯದೆ ಇರುವುದು ಸದಸ್ಯರಿಗೆ ಬೇಸರ ಹಾಗೂ ನಗರದ ಅಭಿವೃದ್ಧಿಗೆ ಕುಂಠೊತವಾಗಲು ಕಾರಣವಾಗಿದ್ದು ಅಯ-ವ್ಯಯ ಸಭೆಗೆ ಜಿಲ್ಲಾಧಿಕಾರಿಗಳ ಅನುಪಸ್ಥಿತಿಯಲ್ಲಿ ಸಭೆ ನಡೆಯುತ್ತಿರುವುದು ಪೌರಾಡಳಿತ ಕಾನೂನು ಉಲ್ಲಂಘನೆಯಾಗಿದೆ ಎಂದು ಮಾಜಿ ಪುರಸಭೆ ಸದಸ್ಯ ಆರ್.ಪ್ರಸನ್ನಕುಮಾರ್ ಹೇಳಿದರು.

ಆಯ-ವ್ಯಯ ಸಭೆಯತ್ತ ಬಾಠದ ಸಾರ್ವಜನಿಕರು.
ನಗರಸಭೆ ಅಧಿಕಾರಿಗಳು ಕಳೆದ ಒಂದು ವಾರದಿಂದ ನಗರದ ಗಲ್ಲಿ ಗಲ್ಲಿ ಹಾಗೂ ಮುಖ್ಯ ರಸ್ತೆಯಲ್ಲಿ ಧ್ವನಿ ವರ್ಧಕದ ಮೂಲಕ ಆಯ-ವ್ಯಯ ಸಭೆಗೆ ಹಾಜರಿಯಾಗಿ ನಗರದ ಅಭಿವೃದ್ಧಿಗೆ ಸಲಹೆ ಸೂಚನೆಗಳನ್ನು ನೀಡುವಂತೆ ವ್ಯಾಪಕ ಪ್ರಚಾರ ಮಾಡಿದರೂ ಸಹ ನಿಗಧಿತ ಸಮಯದಕ್ಕೆ ಜನರು ಸಭೆ ಬಾರದೆ ಇರುವುದರಿಂದ ಒಂದು ಗಂಟೆ ನಂತರ ಕೆಲವೇ ಜನರು ಮಾತ್ರ ಬಂದಿದ್ದು ಖಾಲಿ ಖಾಲಿ ಇರುವ ಖುರ್ಚಿಗಳ ಬರ್ತಿಗೆ ಕಚೇರಿಯಲ್ಲಿನ ಎಲ್ಲಾ ಸಿಬ್ಬಂದಿಗಳನ್ನು ಸಾರ್ವಜನಿಕರ ಜಾಗದಲ್ಲಿ ಕೂರಿಸಿ ಖುರ್ಚಿಗಳನ್ನು ಬರ್ತಿ ಮಾಡಿದರು.

ಪೌರಾಯುಕ್ತರು ಹಾಗೂ ವ್ಯಪವಸ್ಥಾಪಕರು ದೂರವಾಣಿ ಮೂಲಕ ಸಭೆಗೆ ಬರುವಂತೆ ಸದಸ್ಯರಿಗೆ ಕರೆ ಮಾಡುತ್ತಿರುವ ದೃಶ್ಯ ಕಂಡು ಬಂತು.
ಸಭೆಯಲ್ಲಿ ಗಂಗಾಧರಪ್ಪ, ಭದ್ರಿ ,ಪೆನ್ನೇಶ್ ಸೇರಿದಂತೆ ವಿವಿಧ ಗ್ರಾಹಕರು ಸಲಹೆ ಸೂಚನೆಗಳನ್ನು ನೀಡಿದರು.