ಚಳ್ಳಕೆರೆ ಜನಧ್ವನಿ ವಾರ್ತೆ ಜೂ.6 ಗ್ರಾಮಪಂಚಾಯಿತಿ ವ್ಯಾಪ್ತಿಗೆ ಬರುವ ಇಲಾಖೆವಾರು ನಿಖರವಾದ ಮಾಹಿತಿಯನ್ನು ಸಂಗ್ರಹಿಸಿ ಪಂಚಾಯತ್ ಅಭಿವೃದ್ಧಿ ಇಂಡೆಕ್ಸ್ ತಂತ್ರಾಂಶದಲ್ಲಿ ಅಳವಡಿಸಲಾಗುವುದು ಎಂದು ಸಹಾಯಕ ಲೆಕ್ಕಾಧಿಕಾರಿ ಕೆಂಚಪ್ಪ ಹೇಳಿದರು.
ನಗರದ ತಾಲೂಕು ಪಂಚಾಯತ್ ಸಭಾಂಗಣದಲ್ಲಿ ಗ್ರಾಮಪಂಚಾಯತ್ ಪಿಡಿಒಗಳು ಹಾಗೂ ಗಣಕಯಂತ್ರ ನಿರ್ವಾಹಕರು ಮಾಹಿತಿ ತಂತ್ರಾಂಶದಲ್ಲಿ ಅಳವಡಿಸುವಾಗ ಜನಧ್ವನಿ ಡಿಜಿಟಲ್ ಮೀಡಿಯಾದೊಂದಿಗೆ ಮಾತನಾಡಿದರು.

ಗ್ರಾಮೀಣ ಜನರು ಗ್ರಾಮ ಪಂಚಾಯಿತಿಗಳ ಮೇಲೆ ತುಂಬಾ ನಿರೀಕ್ಷೆಯನ್ನು ಇಟ್ಟುಕೊಂಡಿರುತ್ತಾರೆ . ಅವರ ದೈನಂದಿನ ಮೂಲಭೂತ ಅವಶ್ಯಕತೆಗಳಾದ ಶುದ್ಧ ಕುಡಿಯುವನೀರು, ವಸತಿ ಸೌಲಭ್ಯ, ಶೌಚಾಲಯ, ಅಡುಗೆ ಅನಿಲ, ಉತ್ತಮ ಸಂಚಾರ ವ್ಯವಸ್ಥೆ, ಗ್ರಾಮ ನೈರ್ಮಲ್ಯ, ಬೀದಿ ದೀಪಗಳು , ಜನ ಜಾನುವಾರುಗಳ ಸಂಖ್ಯೆ , ಜನ- ಮರಣ , ಪೊಲೀಸ್ ಅಪರಾದ ಪ್ರಕರಣ, ಪಡಿತರ ಚೀಟಿ, ಇತ್ಯಾದಿ ಕನಿಷ್ಟ ಅವಶ್ಯಕತೆಗಳ ಇಲಾಖೆವಾರು ಸಂಪೂರ್ಣ ನಿಖರವಾದ ಮಾಹಿತಿಯನ್ನು ಪಂಚಾಯತ್ ರಾಜ್ ಅಭಿವೃದ್ಧಿ ಇಂಡೆಕ್ಸ್ ತಂತ್ರಾಂಶದಲ್ಲಿ ನೊಂದಣೆ ಮಾಡಿದಾಗ. ವಿವಿಧ ಇಲಾಖೆ ನೋಡೆಲ್ ಅಧಿಕಾರಿಗಳು ಪರಿಶೀಲನೆ ಮಾಡಿ ಸರಿಯಾಗಿದ್ದರೆ ಓ.ಕೆ. ತಪ್ಪು ಮಾಹಿತಿ ಇದ್ದರೆ ತಪ್ಪು ಅಂಕಿ ಅಂಶಗಳನ್ನು ಎಂಟ್ರಿ ಮಾಡಿದ್ದೀರಿಮತ್ತೆ ಸರಿಪಡಿಸಿ ಎಂದು ತಿಳಿಸಲಾಗುತ್ತದೆ.
ಹಾಗಾಗಿ ಪ್ರತಿ ಗ್ರಾಪಂ ಪಿಡಿಒಗಳು ಅಯಾ ಇಲಾಖೆಗಳ ಅಧಿಕಾರಿಗಳನ್ನು ಸಂಪರ್ಕಿಸಿ ನಿಖರವಾದ ಮಾಹಿತಿ ಹಾಗೂ ಅಂಕಿ ಅಂಶಗಳನ್ನು ಎಂಟ್ರಿ ಮಾಡಲು ಮುಂದಾಗಿದ್ದಾರೆ ಎಂದು ತಿಳಿಸಿದರು.
ಈ ಸಂದರ್ಭದಲ್ಲಿ 40 ಗ್ರಾಪಂ ಪಿಡಿಒಗಳು ಹಾಗೂ ಗಣಕಯಂತ್ರ ನಿರ್ವಹಕರು ಇಲಾಖೆವಾರು ಮಾಹಿತಿಯನ್ನು ಪಂಚಾಯತ್ ರಾಜ್ ಅಭಿವೃದ್ಧಿ ಇಂಡೆಕ್ಸ್ ತಂತ್ರಾಂಶದಲ್ಲಿ ಎಂಟ್ರಿ ಮಾಡಲು ಮುಂದಾಗಿದ್ದಾರೆ.