ಚಳ್ಳಕೆರೆ ಜನಧ್ವನಿವಾರ್ತೆ ಜ.18 ಚನ್ನಮ್ಮನಾಗತಿಹಳ್ಳಿಯ ಕಾಡುಗೊಲ್ಲರ ಕ್ಯಾತಪ್ಪ ಜಾತ್ರೆ ಆರಂಭವಾಗಿದ್ದು, ಗುರುವಾರ ಬೊಮ್ಮನಕುಂಟೆ ಗ್ರಾಮದಲ್ಲಿ ಮರ ಕಡಿಯುವ ಮೂಲಕ ಜಾತ್ರೆಗೆ ವಿಧ್ಯುಕ್ತ ಚಾಲನೆ ದೊರೆತಿದೆ.

ಜ.21ಭಾನುವಾರ ಕಳ್ಳೆ ಗುಡಿಕಟ್ಟಲು ಬಾರೆ ಕಳ್ಳೆಕಡೆಯಲು ಚಾಲನೆ ಜ.29 ರವರೆಗೆ ವಿವಿಧ ಪೂಜೆ ವಿಧಿವಧಾನಗೊಂದಿಗೆ ಜಾತ್ರೆಗೆ ಬಂದಾ ಸಾವಿರಾರರು ಭಕ್ತಸಾಗರದಲ್ಲಿ ಜಾತ್ರೆ ನಡೆಯುವ ವಸಲು ದಿನ್ನೆನ್ನೆಯಲ್ಲಿ ಮಧ್ಯಾಹ್ನನ 4.30ಕ್ಕೆಸರಿಯಾಗಿ ಎರೆದ ಕಳ್ಳೆಯ ಗುಡಿ ಹತ್ತಿ ಕಳಸ ಇಳಿಸುವುದು.

ಪ್ರೆ.1 ಹುರಳಿ ಧಾನ್ಯ ನೈವೇದ್ಯ ಮಾಡಿ ಕಂಕಣ ವಿಸರ್ಜನೆ ಮಾಡುವುದು.ಫೆ.2 ರಂದು ಮಹಾಮಂಗಳಾರತಿ ನಂತರ ಭಕ್ತಾಧಿಗಳಿಗೆ ತೀರ್ಥವನ್ನು ಸ್ವೀಕರಿಸಿ ತಮ್ಮ ಊರುಗಳಿಗೆ ತೆರಳುವರು.
ಜ.11 ರಿಂದ ಫೆ. 2 ರವರೆಗೆ ಕೇತೆ ದೇವರ ಜಾತ್ರೆ ವಿಶೇಷ ಬುಡಕಟ್ಟು ಸಂಸ್ಕೃತಿಯ ಪೂಜೆ ಕೈಕರ್ಯಗಳು ನಡೆಯುತ್ತವೆ.
ಜಾತ್ರೆಯ ಹಿನ್ನೆಲೆ: ಕ್ಯಾತಪ್ಪನ ದೇವರು ಮೊದಲು ರೆಡ್ಡಿ ಜನಾಂಗಕ್ಕೆ ಸೇರಿದ ಹೇಮರೆಡ್ಡಿ ಮತ್ತು ಭೀಮರೆಡ್ಡಿ ಎಂಬುವವರಿಗೆ ಒಲಿದಿದ್ದರು. ಇದರಿಂದ ಅವರು ಶ್ರೀಮಂತರಾದರು. ಶ್ರೀಮಂತರಾದ ಮೇಲೆ ದೇವರನ್ನು ನಿರ್ಲಕ್ಷಿಸಿ ನವಣೆ ಮತ್ತು ಹುರುಳಿ ಕಣಜದಲ್ಲಿ ಮುಚ್ಚಿಟ್ಟರು. ಇದರಿಂದ ಬೇಸತ್ತ ದೇವರು ಅವರ ಮನೆಯಲ್ಲಿ ದನ ಕಾಯುತ್ತಿದ್ದ ಬೊಮ್ಮಲಿಂಗ ಎಂಬುವವರಿಗೆ ಒಲಿದ ಎಂಬ ಪ್ರತೀತಿ ಇದೆ.

ಜಾತ್ರೆ ವೇಳೆಯಲ್ಲಿ ಮೊದಲು ಹುರುಳಿ ಕೈ ತೊಳೆಯುವ ಮೂಲಕ ಅವರ ಮನೆಯಲ್ಲಿನ ಹುರುಳಿ ಮತ್ತು ನವಣೆಯನ್ನು ಜಾತ್ರೆ ಮುಗಿಯುವ ವರೆಗೆ ಮನೆಯಿಂದ ಹೊರ ಹಾಕುತ್ತಾರೆ. ಈ ಗುಡಿಕಟ್ಟಿಗೆ ಸೇರಿದ ಅಣ್ಣ ತಮ್ಮಂದಿರು ಹುರುಳಿ ಮತ್ತು ನವಣೆಯನ್ನು ಬಳಸುವುದಿಲ್ಲ ಮತ್ತು ಕೈಯಿಂದ ಮುಟ್ಟದೆ ವೃತ ಆಚರಿಸುತ್ತಾರೆ.
ದೇವರ ಮರ ಕಡಿದು ಅಲ್ಲಿಂದ ವಸಲು ದಿಣ್ಣೆ ಮೂಲಕ ತರಲಾಯಿತು. ಇಲ್ಲಿಂದ ಪ್ರತಿನಿತ್ಯ ಒಂದೊಂದು ವಿಶೇಷ ಆಚರಣೆಗಳು ನಡೆಯುತ್ತವೆ.
ಎರದ ಕಳ್ಳೆ (ಬಾರೆ ಕಳ್ಳೆ)ಯಿಂದ ಜಾತ್ರೆ ನಡೆಯುವ ವಸಲು ದಿನ್ನೆಯಲ್ಲಿ ಕಳ್ಳೆ, ತುಗ್ಗಲಿ ಮೊರು ಮುಂತಾದ ಮುಳ್ಳುಗಳ ಮರಗಳನ್ನು ಕಡಿದು ಗುಡಿ ನಿರ್ಮಿಸಿ ಅದರ ಮೇಲೆ ಕಳಸ ಪ್ರತಿಷ್ಠಾಪಿಸುವರು.

ಜಾತ್ರೆಯ ಪ್ರಧಾನ ಘಟ್ಟ ಕಳಸ ಕೀಳುವುದು. ಅಂದು ವಸಲು ದಿನ್ನೆಯಲ್ಲಿ ಗುಡಿಕಟ್ಟಿಗೆ ಸೇರಿದ 5 ಜನ ಈರಗಾರರು ಬಾರೆ ಕಳ್ಳೆಯ ಗುಡಿ ಹತ್ತಿ ಕಳಸ ಕೀಳುತ್ತಾರೆ. ಇದನ್ನು ನೋಡಲು ಸಾವಿರಾರು ಜನರು ಸೇರುತ್ತಾರೆ. ಮೊದಲು ಕಳಸ ಕಿತ್ತ ಈರಗಾರ ವರ್ಷದ ಈರಗಾರ ಎಂಬ ಪ್ರಶಸ್ತಿಗೆ ಭಾಜನರಾಗುತ್ತಾರೆ.
ಚನ್ನಮ್ಮನಾಗತಿಹಳ್ಳಿ ಗ್ರಾಮಪಂಚಾಯತಿ ವತಿಯಿಂದ ಜಾತ್ರೆ ನಡೆಯುವ ಸ್ಥಳದಲ್ಲಿ ಸ್ವಚ್ಚತೆ , ಕುಡಿಯುವ ನೀರು, ಅಗತ್ಯ ಮೂಲ ಭೂತ ಸೌಲಭ್ಯಗಳನ್ನು ಗ್ರಾಪಂ ಅಧ್ಯಕ್ಷ ಆನಂದ್ ಕುಮಾರ್ ಹಾಗೂ ಸದಸ್ಯರು ಅಗತ್ಯ ಕ್ರಮಗಳನ್ನ ಕೈಗೊಂಡಿದ್ದಾರೆ.