ಪಾವಗಡ ಆ.28. ಕರ್ನಾಟಕ ರಾಜ್ಯದಲ್ಲಿ ಮತ್ತೆ ಬರಗಾಲದ ಕರಾಳ ಛಾಯೆ ಬಂದಂತಿದೆ . ಈವರೆಗೆ ಅಧಿಕೃತ ಪ್ರಕಟಣೆಯಲ್ಲಿ ರಾಜ್ಯ ಸರ್ಕಾರ ನೀಡಿರುವ ಪಟ್ಟಿಯಲ್ಲಿ ಅತ್ಯಂತ ಕ್ಲಿಷ್ಟಕರವಾದ ಹಾಗೂ ಭಯಾನಕ ಬರ ಸ್ಥಿತಿ ಬಾಗಲಕೋಟೆ ಹಾಗೂ ಬಳ್ಳಾರಿ ಚಿತ್ರದುರ್ಗ. ತುಮಕೂರು ಸೇರಿದಂತೆ ವಿವಿಧ ಜಿಲ್ಲೆಗಳಲ್ಲಿ ಬರದ ಛಾಯೆ ಬಂದಂತಿದೆ . ಎಂದಿನಂತೆ ಶ್ರೀ ರಾಮಕೃಷ್ಣ ಸೇವಾಶ್ರಮ , ಪಾವಗಡ , ಕಳೆದ 30 ವರ್ಷಗಳಿಂದ ಎಡೆಬಿಡದೆ ಪ್ರವಾಹ ಆಗಲಿ ಅಥವಾ ಭೀಕರ ಬರಗಾಲವಾಗಲಿ ಸ್ವಾಮಿ ವಿವೇಕಾನಂದರ ಹೆಸರಿನಲ್ಲಿ ತನ್ನ ಸೇವಾ ಕಾರ್ಯಗಳನ್ನು ಮುಂದುವರಿಸಿಕೊಂಡು ಬರುತ್ತದೆ . ಈ ನಿಟ್ಟಿನಲ್ಲಿ ಈಗಾಗಲೇ ಶ್ರೀರಾಮಕೃಷ್ಣ ಸೇವಾಶ್ರಮದ ಸ್ವಯಂಸೇವಕರು ಹಾಗೂ ಹಿತೈಷಿಗಳು ಬಾಗಲಕೋಟೆ , ಜಮಖಂಡಿ , ಹುನುಗುಂದ , ಮುಂತಾದ ಪ್ರದೇಶಗಳಲ್ಲಿ ವಸ್ತು ಸ್ಥಿತಿಯನ್ನು ಪರಿಶೀಲಿಸಲು ಕಾರ್ಯನಿರತವಾಗಿದೆ . ಪೂಜ್ಯ ಸ್ವಾಮಿ ಜಪಾನಂದ ಜೀ ಪ್ರಕಾರ ಕೆಲವೇ ದಿನಗಳಲ್ಲಿ ಈ ಭೀಕರ ಬರಗಾಲ ಪೀಡಿತ ಪ್ರದೇಶಗಳಲ್ಲಿ ಪರಿಹಾರ ಕಾರ್ಯವನ್ನು ಕೈಗೆತ್ತಿಕೊಳ್ಳಲು ಮುಂದಾಗಿದೆ ಎಂದು ತಿಳಿಸಿರುತ್ತಾರೆ. ಈ ನಿಟ್ಟಿನಲ್ಲಿ ಪಾವಗಡ , ಮಧುಗಿರಿ , ಚಳ್ಳಕೆರೆ, ಕೂಡ್ಲಿಗಿ, ನಾಯಕನಹಟ್ಟಿ, ಬಾಗಲಕೋಟೆ , ಜಮಖಂಡಿ , ಹುನಗುಂದ , ಮುಧೋಳ್ , ಬಿಳಗಿ , ಗುಳೇದಗುಡ್ಡ , ಇಳುಕಲ್ , ಬಾದಾಮಿ ಮುಂತಾದ ತಾಲೂಕುಗಳಲ್ಲಿ ವಸ್ತು ಸ್ಥಿತಿಯನ್ನು ಕಂಡು ತದನಂತರ ಎಷ್ಟು ಸಹಸ್ರ ಜನಗಳಿಗೆ ಸಹಕಾರ ಹಾಗೂ ಪರಿಹಾರ ನೀಡಬೇಕು ಎಂಬುದನ್ನು ಸದ್ಯದಲ್ಲಿಯೇ ಸರ್ಕಾರದ ಅಧಿಕೃತ ಪಟ್ಟಿಯಲ್ಲಿ ಇರುವಂತಹ ಪ್ರದೇಶಗಳಲ್ಲಿ ಕಾರ್ಯಾ ಆರಂಭ ಮಾಡಲು ಶ್ರೀರಾಮಕೃಷ್ಣ ಸೇವಾಶ್ರಮ ಪಾವಗಡ ಎಂದಿನಂತೆ ತನ್ನ ಸೇವಾ ಕಾರ್ಯವನ್ನು ಆರಂಭಿಸುತ್ತಿದೆ . ಎಂದು ಮಾಹಿತಿ ನೀಡಿದ್ದಾರೆ ಈ ಪ್ರದೇಶಗಳಲ್ಲಿ ಮೂರು ವರ್ಷಗಳ ವರ್ಷಗಳ ಹಿಂದೆ ಪ್ರವಾಹ ಪರಿಹಾರ ಕಾರ್ಯವನ್ನು ಕೈಗೊಂಡಿದ್ದನ್ನು ನೆನಪಿಸಿಕೊಂಡು ಅಲ್ಲಿಯ ಜನತೆ ಹಾಗೂ ಸಾರ್ವಜನಿಕರು ಮತ್ತು ಆಡಳಿತ ವರ್ಗ ಶ್ರೀ ರಾಮಕೃಷ್ಣ ಸೇವಾಶ್ರಮ , ಪಾವಗಡ , ಹಾಗೂ ಇನ್ನಿತರ ಸಂಸ್ಥೆಗಳೊಂದಿಗೆ ಕಾರ್ಯನಿರ್ವಹಿಸಿರುವುದನ್ನು ಮನದಟ್ಟು ಮಾಡಿಕೊಂಡಿದ್ದಾರೆ ಹಾಗಾಗಿ ಅಲ್ಲಿಯ ಜನತೆ ಹಾಗೂ ಆಡಳಿತ ವರ್ಗದವರು ಶ್ರೀ ರಾಮಕೃಷ್ಣ ಸೇವಾಶ್ರಮ , ಪಾವಗಡಕ್ಕೆ , ಸರ್ವ ರೀತಿಯಲ್ಲಿ ಸಹಕಾರ ನೀಡಲು ಮುಂದೆ ಬಂದಿರುತ್ತಾರೆ ಎಂಬುದನ್ನು ಸ್ವಾಮಿ ಜಪಾನಂದ ಜಿ ಮಹಾರಾಜರವರು ಮಾಹಿತಿ ನೀಡಿರುತ್ತಾರೆ. ಇದೇ ಸಂದರ್ಭದಲ್ಲಿ ಅಲ್ಲಿಯ ಮುಖ್ಯಸ್ಥರು ಜನಪ್ರತಿನಿಧಿಗಳು ತಮಗೆ ಹಾಗೂ ತಮ್ಮ ಸೇವ ಕಾರ್ಯಗಳಿಗೆ ಎಲ್ಲ ರೀತಿಯ ಪೂರ್ಣ ಸಹಕಾರ ನೀಡುತ್ತಾ ಬಂದಿರುವುದು ಗಮನಾರ್ಹವಾಗಿದೆ ಎಂಬುದನ್ನು ನೆನಪಿಸಿಕೊಂಡರು . ಈ ಬಾರಿ ಬಹುಶಹ ಹೆಚ್ಚಿನ ಪೀಡಿತರಿಗೆ ಪರಿಹಾರ ನೀಡುವುದಾಗಿ ಘೋಷಿಸುತ್ತಾರೆ . ಈ ಪವಿತ್ರ ಕಾರ್ಯಕ್ರಮಕ್ಕೆ ಅನೇಕ ಸಂಸ್ಥೆಗಳು ಎಂದಿನಂತೆ ಶ್ರೀ ರಾಮಕೃಷ್ಣ ಸೇವಾಶ್ರಮ ಪಾವಗಡ ಕೆ ಕೈಜೋಡಿಸಿರುತ್ತಾರೆ . ಒಟ್ಟಿನಲ್ಲಿ ದೇಶದ ಅದರಲ್ಲಿಯೂ ದಕ್ಷಿಣ ಭಾರತದ ಸರಿಸುಮಾರು ಆರು ರಾಜ್ಯಗಳ ಪ್ರಕೃತಿ ವಿಕೋಪಕ್ಕೆ ತುತ್ತಾದಾಗ ಶ್ರೀ ರಾಮಕೃಷ್ಣ ಸೇವಾಶ್ರಮ ಪಾವಗಡ ಪರಮಪೂಜ್ಯ ಸ್ವಾಮಿ ಜಪಾನಂದಜಿ ರವರ ನೇತೃತ್ವದ ತಂಡ ಅಹರ್ನಿಷಿ ಕೆಲಸ ಮಾಡುವುದನ್ನು ಇಡೀ ದೇಶ ಕಂಡಿದೆ ಹಾಗಾಗಿ ಕಷ್ಟದಲ್ಲಿರುವ ರಿಗೆ ಹಾಗೂ ಬರಗಾಲದಿಂದ ಪೀಡಿತರಾಗಿ ಯಾವುದೇ ರೀತಿಯ ಬೆಳೆ ಇಲ್ಲದೆ ಹಾಕಿದ ಬೆಳೆಯು ಸಂಪೂರ್ಣ ನಾಶವಾಗಿ ರೈತಾಪಿ ಜನರು ತತ್ತರಿಸುತ್ತಿರುವ ಸಂದರ್ಭದಲ್ಲಿ ಪರಮಪೂಜ್ಯ ಸ್ವಾಮಿ ಜಪಾನಂದ ಜೇವರು ಸದಾ ಸೇವೆಗಾಗಿ ಆತುರಿಯುತ್ತಿರುವುದನ್ನು ಈಗಾಗಲೇ ಇಡೀ ದೇಶ ಕಂಡಿದೆ ಈ ಈ ಸಂದರ್ಭದಲ್ಲಿಯೂ ಸಹ ಅಂದರೆ 2023 ಸೆಪ್ಟೆಂಬರ್ ಮೊದಲ ವಾರದಿಂದ ಬರಗಾಲ ಪರಿಹಾರ ಕಾರ್ಯಕ್ರಮವನ್ನು ಕೈಗೆತ್ತಿಕೊಳ್ಳುತ್ತಿರುವುದಾಗಿ ಸ್ವಾಮಿ ಜಪಾನಂದ ಜೇವರು ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿರುತ್ತಾರೆ . ಈ ಸಮಯೋಚಿತ ಸೇವಾ ಯಜ್ಞಕ್ಕೆ ಯಾರು ಬೇಕಾದರೂ ತಮ್ಮ ಸಹಾಯ ಹಸ್ತವನ್ನು ನೀಡಬಹುದಾಗಿದೆ ಇಚ್ಛೆಯುಳ್ಳವರು ಶ್ರೀರಾಮಕೃಷ್ಣ ಸೇವಾಶ್ರಮ ಪಾವಗಡ ದೂರವಾಣಿ ಸಂಖ್ಯೆ 9 4 4 8 1 0 6 012 ಕರೆ ಮಾಡಿ ತಿಳಿಸಬಹುದಾಗಿದೆ . ಈ ಸೇವಾ ಯಜ್ಞಕ್ಕೆ ಎಲ್ಲರ ಸಹಕಾರ ಹಾಗೂ ಶುಭಾಶಯಗಳು ನಿರೀಕ್ಷಿಸುತ್ತೇವೆ ಎಂದು ಪೂಜ್ಯ ಸ್ವಾಮಿ ಜಪಾನಂದ ಜಿ ಅವರು ಸ್ವಾಮಿ ವಿವೇಕಾನಂದ ಸೇವಾ ತಂಡದ ಪರವಾಗಿ ವಿನಂತಿಸಿಕೊಂಡಿರುತ್ತಾರೆ.