ಚಳ್ಳಕೆರೆ ಡಿ.29: ಕನ್ನಡ ಭಾಷೆ ಹಾಗೂ ಕನ್ನಡ ನಾಡಿನ ಕಂಪನ್ನು ವಿಶ್ವಕ್ಕೆ ಪಸರಿಸಿದ ವ್ಯಕ್ತಿ ಕುವೆಂಪು ಸಾಹಿತ್ಯ ಕ್ಷೇತ್ರಕ್ಕೆ ಇವರ ಕೊಡುಗೆ ಅಪಾರವಾದದ್ದು ಎಂದು ಶಾಸಕ ಟಿ ರಘುಮೂರ್ತಿ ಅಭಿಪ್ರಾಯ ಪಟ್ಟರು
ರಾಷ್ಟೀಯ ಹಬ್ಬಗಳ ಆಚರಣೆ ಹಾಗೂ ತಾಲ್ಲೂಕು ಆಡಳಿತ ವತಿಯಿಂದ ನಗರದ ತಾಲ್ಲೂಕು ಕಚೇರಿ ಆವರಣದಲ್ಲಿ ಹಮ್ಮಿಕೊಂಡಿದ್ದ ವಿಶ್ವಮಾನವ ರಾಷ್ಟ್ರ ಕವಿ ಕುವೆಂಪುರವರ 119ನೇ ಜನ್ನ ದಿನಾಚರಣೆ ಕಾರ್ಯಕ್ರಮದಲ್ಲಿ ಕುವೆಂಪು ರವರ ಭಾವ ಚಿತ್ರಕ್ಕೆ ಪುಷ್ಪ ನಮನ ಸಲ್ಲಿಸುವುದರ ಮೂಲಕ ಕಾರ್ಯಕ್ರಮ. ಉದ್ಘಾಟಿಸಿ ಮಾತನಾಡುತ್ತಾ ಕನ್ನಡದ ಸಾಹಿತ್ಯ ಲೋಕಕ್ಕೆ ಹಲವು ಮೊದಲುಗಳನ್ನು ನೀಡಿದ ಕೀರ್ತಿ ಇವರದ್ದು ಮೈಸೂರು ವಿಶ್ವವಿದ್ಯಾಲಯದ ಕುಲಪತಿಗಳಾಗಿ ದಿಕ್ಕನ್ನು ಬದಲಿಸಿ ಹೊಸ ರೂಪ ನೀಡಿದ ಕೀರ್ತಿ ಇವರಿಗೆ ಸಲ್ಲುತ್ತದೆ ಶ್ರೀ ರಾಮಾಯಣ ದರ್ಶನಂ ಎಂಬ ಮಹಾ ಕಾವ್ಯ ರಚಿಸಿ ಮೊದಲ ಜ್ಞಾನಪೀಠ ಪ್ರಶಸ್ತಿ ತಂದುಕೊಟ್ಟ ಹೆಗ್ಗಳಿಕೆ ಇವರದು ಕುವೆಂಪುರವರನ್ನು ಹಲವರು ವಿಶ್ವ ಮಾನವ ಎಂಬ ಹೆಸರಿನಿಂದ ಕರೆದಿದ್ದಾರೆ ಅಲ್ಪಮಾನವನಾಗದಿರು ವಿಶ್ವಮಾನವನಾಗು ಎಂಬ ಸಂದೇಶ ನೀಡಿದಂತ ಮಹಾನ್ ಮಾನವತವಾದಿ ಕುವೆಂಪು ಅವರ ಆದರ್ಶಗಳು ಇಂದಿಗೂ ಪ್ರಸ್ತುತ ಇವರ ಕಾವ್ಯಗಳು ಜಗತ್ತಿಗೆ ದಾರಿದೀಪವಾಗಿವೆ ಎಂದು ಬಣ್ಣಿಸಿದರು.
ಪ್ರಾಸ್ತಾವಿಕವಾಗಿ ಮಾತಾಡಿದ ತಹಶೀಲ್ದಾರ್ ರೆಹಾನ್ ಪಾಷಾ ಕುವೆಂಪುರವರು ಜನರು ತನ್ನ ಜಾತಿಗೆ ಸೀಮಿತವಾಗದೆ ವಿಶ್ವಮಾನವರಾಗಬೇಕು ಎಂದು ಹೇಳಿದವರು ಕುವೆಂಪುರವರ ಗುರುಗಳು ತಾಲೂಕಿನ ತಳುಕಿನ ವೆಂಕಣ್ಣಯ್ಯನವರು ಎಂದು ಹೇಳಿಕೊಳ್ಳುವುದಕ್ಕೆ ನಮಗೆಲ್ಲರಿಗೂ ಹೆಮ್ಮೆಯಾಗುತ್ತದೆ ಎಲ್ಲಾ ಸಾಹಿತ್ಯ ಪ್ರಕಾರಗಳನ್ನು ಕುವೆಂಪುರವರು ಬಲ್ಲವರಾಗಿದ್ದರು ಎಂದರು.
ಕಾಂಗ್ರೆಸ್ ಮುಖಂಡ ಆರ್ ಪ್ರಸನ್ನ ಕುಮಾರ್ ಮಾತನಾಡಿ ಜಾತಿ ಜಯಂತಿ ಗಳಿಗಿಂತ ವಿಶ್ವ ಮಾನವ ಜಯಂತಿ ಮುಖ್ಯವಾಗಬೇಕು ಕುವೆಂಪು ಸಾಹಿತ್ಯ ಕೃಷಿ ಗಣನೆಗೆ ನಿಲುಕದ್ದು ಆಡು ಮುಟ್ಟದ ಸೊಪ್ಪಿಲ್ಲ ಕುವೆಂಪು ಮುಟ್ಟದ ಸಾಹಿತ್ಯ ಪ್ರಕಾರವಿಲ್ಲ ವೈಚಾರಿಕತೆ ವೈಜ್ಞಾನಿಕತೆ ಜನರ ಜೀವನ ಕಟ್ಟುವಂತಹ ಸಾಹಿತ್ಯವನ್ನು ಕಾಣಬಹುದು ಜ್ಞಾನಪೀಠ ಪ್ರಶಸ್ತಿ ರಾಷ್ಟ್ರಕವಿ ಕರ್ನಾಟಕ ರತ್ನ ಈ ಎಲ್ಲಾ ಪ್ರಶಸ್ತಿಗಳನ್ನು ಪಡೆದ ಮೊದಲ ಕವಿ ಕುವೆಂಪುರವರಾಗಿದ್ದಾರೆ ಶಿಕ್ಷಣವೆಂಬುದು ಯಾವುದೇ ಜಾತಿಗೆ ಸೀಮಿತವಾಗಬಾರದು ಎಂಬುದು ಅವರ ದ್ಯೇಯವಾಗಿತ್ತು ಕನ್ನಡದ ನಾಡಗೀತೆ ರೈತ ಗೀತೆಗಳು ಜನರ ಬಾಯಲ್ಲಿ ಇಂದಿಗೂ ಸಹ ಶಾಶ್ವತವಾಗಿ ನಲಿದಾಡುತ್ತಿವೆ ಜನರು ಕುವೆಂಪು ತತ್ವಗಳನ್ನು ಹಾಗೂ ಕೃತಿಗಳನ್ನು ಓದಿ ಅಳವಡಿಸಿಕೊಂಡರೆ ಸಾಮಾಜಿಕವಾಗಿ ಬೆಳೆಯಲು ಸಾಧ್ಯವಾಗುತ್ತದೆ ಎಂದು ತಿಳಿಸಿದರು
ಕಾರ್ಯಕ್ರಮದಲ್ಲಿ ಕುವೆಂಪುರವರ ಜೀವನ ಚರಿತ್ರೆ ಕುರಿತು ಉಪನ್ಯಾಸಕ ಸಿ ನಾಗರಾಜ್ ಉಪನ್ಯಾಸ ನೀಡಿದರು.
ಈ ಸಂದರ್ಭದಲ್ಲಿ ಡಿವೈಎಸ್ಪಿ ಟಿ ವಿ ರಾಜಣ್ಣ ನಿವೃತ್ತ ಪ್ರಾಂಶುಪಾಲ ಸಿರಿಯಣ್ಣ ನಗರಸಭೆ ಸ್ಥಾಯಿ ಸಮಿತಿ ಅಧ್ಯಕ್ಷ ಎಂಜೆ ರಾಘವೇಂದ್ರ ನಗರಸಭೆ ಸದಸ್ಯ ವೀರಭದ್ರಯ್ಯ ರಮೇಶ್ ಗೌಡ ಟಿ ಮಲ್ಲಿಕಾರ್ಜುನ ರೆಡ್ಡಿಹಳ್ಳಿ ಶಿವಣ್ಣ ಗಿರಿಯಪ್ಪ ಸಿಟಿ ಶ್ರೀನಿವಾಸ್ ಸಿ ನಾಗರಾಜ್ ಬೊಪ್ಪಣ್ಣ ಪ್ರಾಂಶುಪಾಲ ರಂಗಪ್ಪ ಚಿತ್ತಯ್ಯ ಸೇರಿದಂತೆ ರೈತರು ತಾಲ್ಲೂಕು ಮಟ್ಟದ ಅಧಿಕಾರಿಗಳು ಸಿಬ್ಬಂದಿ ಶ್ರೀನಿವಾಸ್ ಉಪಸ್ಥಿತರಿದ್ದರು.
0 Comments