ಚಳ್ಳಕೆರೆ ಜನಧ್ವನಿವಾರ್ತೆ ಫೆ.14. ರಸ್ತೆ ಬದಿ ಕಸ ತಂದು ಎಸೆದ ನಿವಾಸಿಗಳಿಗೆ ನಗರಸಭೆ ಅಧ್ಯಕ್ಷೆ ಸರಿಯಾಗಿ ಕ್ಲಾಸ್ ತೆಗೆದುಕೊಂಡಿರುವ ಘಟನೆ ನಡೆದಿದೆ. ಹೌದು ಇದು ಚಳ್ಳಕೆರೆ ನಗರಸಭೆ ವ್ಯಾಪ್ತಿಯ ವಾರ್ಡ್ ನಂ 14 ರಲ್ಲಿ ವಾರ್ಡ್ ವಾರು ಸ್ವಚ್ಛತೆಗೆ ಮಂಗಳವಾರ ಸಂಜೆ ಗ್ಯಾಂಗ್ ವರ್ಕ್ ಮಾಡುತ್ತಿದ್ದಾಗ ಖಾಲಿ ಜಾಗದಲ್ಲಿ ಕಸವನ್ನು ಸಾರ್ವಜನಿಕರು ಹಾಕುತ್ತಿರುವುದನ್ನು ಕಂಡು ತರಾಟಗೆ ತೆಗೆದುಕೊಂಡಿದ್ದಾರೆ. ನಗರದ ಪ್ರತಿ ವಾರ್ಡ್ ನಲ್ಲಿ ಸ್ವಚ್ಚತೆಮಾಡಲು ತಂಡ ರಚನೆ ಮಾಡಿದ್ದು ದಿನ ನಿತ್ಯ ಸ್ವಚ್ಚತೆಗೆ ನಗರಸಭೆ ಅಧ್ಯಕ್ಷೆ ಸುಮಕ್ಕ.ಉಪಾಧ್ಯಕ್ಷೆ ಮಂಜುಳ. ಪೌರಾಯುಕ್ತ ಚಂದ್ರಪ್ಪ .ಆರೋಗ್ಯಾಧಿಕಾರಿಗಳಾದ ಗೀತಾ.ಮಹಾಲಿಂಗಪ್ಪ.ಗಣೇಶ್ ಹಾಗೂ ಆಯಾ ವಾರ್ಡ್ ನ ಸದಸ್ಯರು ಪಾಲ್ಗೊಂಡು ಸ್ವಚ್ಚತೆ ಬಗ್ಗೆ ವೀಕ್ಷಣೆ ಮಾಡಿತ್ತಾರೆ. ಅದೇ ರೀತಿ ಮಂಗಳವಾರ ಸಂಜೆ 14 ನೇವಾರ್ಡ್ ಸ್ವಚ್ಚತೆ ವೀಕ್ಷಣೆ ಮಾಡಲು ಹೋದಾಗ ಖಾಲಿ ನಿವೇಶನದಲ್ಲಿ ಹಾಕಿರುವ ಕಸವನ್ನು ಕಂಡು ಪ್ರತಿ ನಿತ್ಯ ಕಸ ಸಂಗ್ರಹಣೆ ಮಾಡಲು ಮನೆ ಬಾಗಿಲಿಗೆ ವಾಹನ ಬರುತ್ತವೆ ಆದರೂ ಸಹ ಕಸವನ್ನು ಚರಂಡಿ. ರಸ್ತೆ ಹಾಗೂ ಖಾಲಿ ಜಾಗದಲ್ಲಿ ಹಾಕಿದರೆ ದಂಡವನ್ನು ವಿಧಿಸುವ ಜತೆ ಕಸವನ್ನು ನಿಮ್ಮ ಬಾಗಿಲಿಗೆ ತಂದು ಸುರಿಸಲಾಗುವುದು. ಪೌರಕಾರ್ಮಿಕ ಬೆಳಗ್ಗೆ ಸ್ವಚ್ಚತೆ ಮಾಡಿ ಹೋದರೂ ಸಹ ಮತ್ತೆ ಕಸ ಹಾಕುವುದರಿಂದ ನಗರದ ಸೌಂದರ್ಯಕ್ಕೆ ದಕ್ಕೆ ಹಾಗೂ ಸಾಂಕ್ರಮಿಕ ರೋಗಗಳಿಗೆ ತುತ್ತಾಗ ಬೇಕಾಗುತ್ತೆ ಇನ್ನು ಮುಂದೆ ಕಸವನ್ನು ಎಲ್ಲೆಂದರಲ್ಲೆ ಸುರಿಯುವಂತಿಲ್ಲ ಕಸದ ವಾಹನಗಳು ಬಂದಾಗ ವಾಹನಗಳಲ್ಲಿ ಹಾಕುವಂತೆ ತಿಳಿಸಿದರು. ಆರೋಗ್ಯಾಧಿಕಾರಿ ಗೀತಾ ಮಾತನಾಡಿ ಕಸ ವಿಲೇವಾರಿಗೆ ನಗರಸಭೆ ಮುಂದಾಗಿದ್ದು. ಈ ನಿಟ್ಟಿನಲ್ಲಿ ಪ್ರತಿದಿನ ಬೆಳಗ್ಗೆ ಮನೆಗಳ ಬಳಿ ಹೋಗಿ ಸಿಬ್ಬಂದಿ ಕಸ ಸಂಗ್ರಹಣೆ ಮಾಡುತ್ತಿದ್ದಾರೆ. ಮನೆಗಳ ಬಳಿ ವಾಹನ ಹೋದರೂ ಕಸ ನೀಡದೆ ಕೆಲ ಸಾರ್ವಜನಿಕರು ರಸ್ತೆಗೆ ಕಸ ಸುರಿಯುತ್ತಿರುವುದು ಸರಿಯಲ್ಲ ಎಂದು ಎಚ್ಚರಿಸಿದರು.