ಚಳ್ಳಕೆರೆ-31 ತಾಲೂಕಿನ ಗಡಿಭಾಗದಲ್ಲಿ ದ್ವಿಭಾಷಿಗರ ಸಂಖ್ಯೆ ಹೆಚ್ಚುತ್ತಾ ಇದೆ. ಸಮೀಪದ ಆಂಧ್ರಪ್ರದೇಶದೊAದಿಗೆ ವೈವಾಹಿಕ ಸಂಬAಧಗಳು ಬೆಳೆದಂತೆಲ್ಲಾ ಕನ್ನಡ ಮತ್ತು ತೆಲುಗು ಭಾಷಾ ಸಂಬAಧವೂ ಒಂದು ನಾಣ್ಯದ ಎರಡು ಮುಖಗಳಂತೆ ದಿನನಿತ್ಯದ ವ್ಯವಹಾರದ ಬದುಕಿನಲ್ಲಿ ಸಮತೂಕವಾಗಿ ಕಾಣುತ್ತಿದೆ. ಕ್ರಮೇಣ ಕನ್ನಡಿಗರ ಆತಂಕಕ್ಕೆ ಕಾರಣವಾಗಬಹುದು. ಇದರಿಂದ ಗಡಿಭಾಗದಲ್ಲಿ ಕನ್ನಡ ಭಾಷಾ ಹಿರಿಮೆಯನ್ನು ಕಾಪಾಡಿಕೊಳ್ಳುವ ಜಾಗೃತಿ ಬೆಳೆಯಬೇಕಿದೆ. ಭಾಷಾ ಪ್ರೋತ್ಸಾಹ ಕಾರ್ಯಕ್ರಮಗಳು ಸೇರಿದಂತೆ ಕನ್ನಡಪರ ಜಾಗೃತಿ ಸಂಘಟನೆಗಳು ಗಡಿಭಾಗದಲ್ಲಿ ತಲೆ ಎತ್ತಿ ನಿಲ್ಲಬೇಕಿದೆ. ಇಂತಹ ಜಾಗೃತಿ ಸಂಘಟನೆಗೆ ಗಡಿಭಾಗ ಕರ್ಲಕುಂಟೆ ಗ್ರಾಮದಲ್ಲಿ ಕಟ್ಟಿಕೊಂಡ ‘ಕನ್ನಡ ರಕ್ಷಣಾ ಮತ್ತು ಸಾಂಸ್ಕೃತಿಕ ವೇದಿಕೆ’ ಸಮಾಜಕ್ಕೆ ಒಂದು ಮಾದರಿಯಾಗಿ ಕಾಣುತ್ತಿದೆ. ಇಲ್ಲಿನ ಸಾಹಿತ್ಯ ಪ್ರತಿಭಾವಂತ ಕರ್ಲಕುಂಟೆ ತಿಪ್ಪೇಸ್ವಾಮಿ ತನ್ನ ಗೆಳೆಯರ ಬಳಗದೊಂದಿಗೆ ೨೦೦೪ರಲ್ಲಿ ಕನ್ನಡ ನಾಡು-ನುಡಿ ಸೇವೆಗಾಗಿ ವೇದಿಕೆಯನ್ನು ಕಟ್ಟಿಕೊಂಡಿದ್ದಾರೆ. ಕನ್ನಡ ಭಾಷಾ ಕೈಂಕರ್ಯ ಜತೆಗೆ, ನಾಡಿನ ನೆಲ, ಜಲ, ಭಾಷೆ ಅಸ್ಮಿಯತೆಗೆ ಹೋರಾಟ ನಡೆಸಿದ ನಡೆ ಯುವ ಸಮುದಾಯಕ್ಕೆ ಒಂದು ಶಕ್ತಿಯಾಗಿದೆ.
ಚಿತ್ರದುರ್ಗ ಜಿಲ್ಲಾ ಕೇಂದ್ರದಲ್ಲಿ ಸ್ಥಾಪನೆಗೊಂಡ ರಂಗಮAದಿರಕ್ಕೆ ನಾಡಿನ ಖ್ಯಾತ ಕಾದಂಬರಿಕಾರ ‘ತರಾಸು’ ನಾಮಕರಣ ಮಾಡಬೇಕೆಂದು ಸ್ವಗ್ರಾಮದಿಂದ ೭೮ ಕಿಮೀ ದೂರದ ಜಿಲ್ಲಾ ಕೇಂದ್ರಕ್ಕೆ ಪಾದಯಾತ್ರೆ ನಡೆಸಲಾಗಿದೆ. ಹಿರಿಯೂರಿನ ವಿವಿ ಸಾಗರಕ್ಕೆ ‘ಎ’ ಸ್ಕೀಮ್ನಲ್ಲಿ ಭದ್ರಾ ಮೇಲ್ದಂಡೆ ನೀರು ಹರಿಸಬೇಕೆಂದು ಆಗ್ರಹಿಸಿ ರೈತರು ನಡೆಸಿದ ಧರಣಿ ಬೆಂಬಲಿಸಿ ಕರ್ಲಕುಂಟೆ ಗ್ರಾಮದಿಂದ ಯುವಕರ ಬಳಗದೊಂದಿಗೆ ಸುಮಾರು ೪೫ ಕಿಮೀ ದೂರದ ಹಿರಿಯೂರು ತಾಲೂಕು ಕೇಂದ್ರಕ್ಕೆ ಸೈಕಲ್ ಜಾಥಾ ಮಾಡಲಾಗಿದೆ. ೨೦೦೯ರಲ್ಲಿ ಕನ್ನಡ ಭಾಷೆಗೆ ಶಾಸ್ತಿçÃಯ ಸ್ಥಾನಮಾನಕ್ಕಾಗಿ ಆಗ್ರಹಿಸಿ ಗ್ರಾಮದಿಂದ ೩೦ ಕಿಮೀ ದೂರದ ಚಳ್ಳಕೆರೆ ತಾಲ್ಲೂಕು ಕೇಂದ್ರಕ್ಕೆ ಪಾದಯಾತ್ರೆ ನಡೆಸಿದ್ದಾರೆ. ಭಾಷಾ ಜಾಗೃತಿಗಾಗಿ ಜಿಲ್ಲಾ, ರಾಜ್ಯ ಮಟ್ಟದ ಕವಿಗೋಷ್ಟಿ, ಕಾರ್ಡಿನಲ್ಲಿ ಕಾವ್ಯ ಸ್ಪರ್ಧೆ, ಜಾನಪದ ಮತ್ತು ಭಾವಗೀತೆಗಳ ಸ್ಪರ್ಧೆ, ಕನ್ನಡ ವಿಷಯದಲ್ಲಿ ಹೆಚ್ಚು ಅಂಕ ಗಳಿಸಿದ ಗ್ರಾಮದ ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ ಅಭಿನಂದನಾ ಕಾರ್ಯಕ್ರಮಗಳು ಸೇರಿದಂತೆ ಒಮ್ಮೆ ಗ್ರಾಮದಲ್ಲಿ ನೂರಾರು ಜನರನ್ನು ಸೇರಿಸಿ ಅದ್ದೂರಿಯಾಗಿ ಕನ್ನಡ ನುಡಿಜಾತ್ರೆ ನಡೆಸಿರುವುದು ಗಡಿಭಾಗದ ಕನ್ನಡಿಗರಿಗೆ ನಾಡ ಹಬ್ಬದ ಸಂಭ್ರಮ ಕಂಡAತಾಗಿದೆ ಎನ್ನುತ್ತಾರೆ ಸ್ಥಳೀಯರು.
ಕನ್ನಡ ಮನೆ: ಕನ್ನಡ ಪರ ಸಂಘಟನೆಗಾಗಿ ಕಟ್ಟಿಕೊಂಡ ವೇದಿಕೆ ಕಾರ್ಯಗಳ ನಿರ್ವಹಣೆಗೆ ಗ್ರಾಮದಲ್ಲಿ ಕನ್ನಡ ಮನೆ ಕಟ್ಟಲಾಗಿದೆ. ಸರ್ಕಾರದ ಯಾವುದೇ ಅನುದಾನವಿಲ್ಲದೆ ಸ್ವಪ್ರಯತ್ನದಿಂದ ಕನ್ನಡ ಮನೆ ಸ್ಥಾಪಿಸಿರುವ ಕರ್ಲಕುಂಟೆ ತಿಪ್ಪೇಸ್ವಾಮಿ ಅವರ ಕನ್ನಡ ಅಭಿಮಾನ ಮತ್ತು ನಾಡಿನ ಸೇವೆಯ ಅಪಾರ ಪ್ರೀತಿ ವ್ಯಕ್ತವಾಗಿದೆ. ಮುಂದಿನ ದಿನಗಳಲ್ಲಿ ಕನ್ನಡ ಮನೆಯನ್ನು ಗ್ರಂಥಾಲಯವಾಗಿ ಮಾರ್ಪಾಡು ಮಾಡಿ ನಾಡಿನ ಸಾಹಿತಿಗಳ ಮತ್ತು ಸ್ಥಳೀಯ ಪ್ರತಿಭಾವಂತ ಬರಹಗಾರರ ಪುಸ್ತಕಗಳನ್ನು ಗ್ರಾಮೀಣ ಭಾಗದ ಮಕ್ಕಳಿಗೆ ಓದುವ ಅವಕಾಶ ಕಲ್ಪಿಸುವ ಉದ್ದೇಶ ಇದೆ ಎನ್ನುವ ತಿಪ್ಪೇಸ್ವಾಮಿ ಅವರು, ಸಾಹಿತ್ಯ ಕೃಷಿಯಲ್ಲೂ ‘ಜೇನಹನಿ’, ‘ಮನದಾಳದ ಬಯಕೆ’, ‘ಎದೆಯ ಕದವ ತೆರೆದು’, ‘ಭಾವರೂಪ’ ಎನ್ನುವ ನಾಲ್ಕು ಕವನ ಸಂಕಲನಗಳನ್ನು ಸಾಹಿತ್ಯಕ್ಕೆ ಕೊಡುಗೆಯಾಗಿ ನೀಡಿದ್ದಾರೆ.
ಮೈಸೂರು ದಸರಾ ಪ್ರಧಾನ ಕವಿಗೋಷ್ಟಿ, ಶ್ರೀ ಮುರುಘಾ ಮಠದ ಶರಣ ಸಂಸ್ಕೃತಿ ಉತ್ಸವದ ಸಾಹಿತ್ಯ ಗೋಷ್ಟಿಯಲ್ಲಿ ಭಾಗವಹಿಸುವ ಅವಕಾಶ ಸೇರಿದಂತೆ ವಿವಿಧ ಸಾಹಿತ್ಯ ಪ್ರಕಾಶನಗಳ ಸಾಹಿತ್ಯ ಸ್ಪರ್ಧೆಯಿಂದ ಪುಸ್ತಕ ಬಹುಮಾನವನ್ನು ಪಡೆದಿರುವುದು ಇಲ್ಲಿ ನೆನೆಯಬಹುದು.
ಡಿ.ಸಿ.ಸಿ. ಬ್ಯಾಂಕ್ ನಿರ್ದೇಶಕರಾಗಿ ಓ.ಮಂಜುನಾಥ್ ಮಾಳಿಗೆ ಅವರು ಅವಿರೋಧ ಆಯ್ಕೆಯಾಗಿದ್ದಾರೆ.
ಚಿತ್ರದುರ್ಗ: ಚಿತ್ರದುರ್ಗ ಜಿಲ್ಲಾ ಸಹಕಾರ ಕೇಂದ್ರ ಬ್ಯಾಂಕ್ ನಿಯಮಿತ, ಚಿತ್ರದುರ್ಗ ಇದರ ಆಡಳಿತ ಮಂಡಳಿ ನಿರ್ದೇಶಕರ ಸ್ಥಾನಕ್ಕೆ ಹಿರಿಯೂರು...
0 Comments