ಬೆಂಗಳೂರು :
ಹೆಬ್ಬಾಳದ ಕರ್ನಾಟಕ ಪಶುವೈದ್ಯಕೀಯ ಪರಿಷತ್ ಸಭಾಂಗಣದಲ್ಲಿ ಹಮ್ಮಿಕೊಳ್ಳಲಾಗಿದ್ದ ವಿಶ್ವಪಶುವೈದ್ಯಕೀಯ ದಿನಾಚರಣೆಯಲ್ಲಿ ಹೆಚ್.ಟಿ.ಡಾ.ನಾಗರಾಜ್ ಮುಖ್ಯಪಶು ವೈದ್ಯಾಧಿಕಾರಿಗಳು, ಪಶುಆಸ್ಪತ್ರೆ, ಹಿರಿಯೂರು ಇವರು ಪಶುವೈದ್ಯಕೀಯ ಇಲಾಖೆಯಲ್ಲಿ ಸಲ್ಲಿಸಿರುವ ಸೇವೆಯನ್ನು ಗುರುತಿಸಿ ಶ್ರೇಷ್ಠ ಪಶುವೈದ್ಯ ಪ್ರಶಸ್ತಿಯನ್ನು ನೀಡಿ ಸನ್ಮಾನಿಸಲಾಯಿತು.
ಡಾ.ನಾಗರಾಜ್ ಹೆಚ್.ಟಿ. ಇವರು ತಾಲ್ಲೂಕಿನ ಸೋಮೇರಹಳ್ಳಿ ಗ್ರಾಮದ ರೈತಾಪಿ ಕುಟುಂಬದ ಶ್ರೀಮತಿ ಅನಸೂಯಮ್ಮ ಶ್ರೀ ಬಿ.ತಿಪ್ಪೇಸ್ವಾಮಿ ಇವರ ಪುತ್ರನಾಗಿದ್ದು, 2001 ರಲ್ಲಿ ಬೀದರ್ ಪಶುವೈದ್ಯಕೀಯ ಮಹಾವಿದ್ಯಾಲಯದಿಂದ ಪದವಿ ಪಡೆದು, 2006 ರಲ್ಲಿ ಪಶುಪಾಲನಾ ಇಲಾಖೆಯಲ್ಲಿ ಪಶುವೈದ್ಯಾಧಿಕಾರಿಯಾಗಿ ನೇಮಕಗೊಂಡಿದ್ದರು.
ಹೊಸದುರ್ಗ ತಾಲ್ಲೂಕಿನ ಶ್ರೀರಾಂಪುರ ಗ್ರಾಮದಲ್ಲಿ 3 ವರ್ಷ, ಹಿರಿಯೂರು ತಾಲ್ಲೂಕಿನ ಹರಿಯಬ್ಬೆ ಗ್ರಾಮದಲ್ಲಿ 13 ವರ್ಷಗಳ ಸೇವೆ ಸಲ್ಲಿಸಿ, ಹಾಲಿ ಹಿರಿಯೂರಿನ ಪಶು ಆಸ್ಪತ್ರೆಯಲ್ಲಿ ಮುಖ್ಯ ಪಶುವೈದ್ಯಾಧಿಕಾರಿಯಾಗಿ ಸೇವೆ ಸಲ್ಲಿಸುತ್ತಿದ್ದಾರೆ.
ವಿಶ್ವ ಪಶುವೈದ್ಯಕೀಯ ದಿನಾಚರಣೆಯ ಸಮಾರಂಭದ ಉದ್ಘಾಟನೆಯನ್ನು ವಿಶ್ರಾಂತ ಕುಲಪತಿ, ಕ.ಪ.ಪ. ಮೀ.ವಿ. ವಿ.ಗಳಾದ , ಪ್ರೊಫೆಸರ್ ಸುರೇಶ್ ಹೊನ್ನಪ್ಪ ಗೋಳ್ ರವರು ನೆರವೇರಿಸಿದರು. ಸಮಾರಂಭದಲ್ಲಿ ಮುಖ್ಯ ಅತಿಥಿಗಳಾಗಿ ಪ್ರೊಫೆಸರ್ ಕೆ.ಸಿ.ವೀರಣ್ಣ ಕುಲಪತಿಗಳು, ಕರ್ನಾಟಕ ಪಶು ವೈದ್ಯಕೀಯ ಪಶು ಮತ್ತು ಮೀನುಗಾರಿಕೆ ವಿಶ್ವವಿದ್ಯಾನಿಲಯ ಬೀದರ್, ಶ್ರೀ ನವೀನ್ ಪಶುಪತಿ ಅಧ್ಯಕ್ಷರು, ಕೆ.ಪಿ.ಎಫ್.ಬಿ.ಎ. ಬೆಂಗಳೂರು, ವಿಶೇಷ ಆಹ್ವಾನಿತರಾಗಿ ಪ್ರೊಫೆಸರ್ ಎನ್ ನಾರಾಯಣಸ್ವಾಮಿ ಡೀನ್ , ಪಶು ವೈದ್ಯಕೀಯ ಮಹಾವಿದ್ಯಾಲಯ ಬೆಂಗಳೂರು, ಡಾ. ತಿಪ್ಪೇಸ್ವಾಮಿ ಟಿ, ನಿಬಂಧಕರು, ಕರ್ನಾಟಕ ಪಶು ವೈದ್ಯಕೀಯ ಪರಿಷತ್ತು ಹಾಗೂ ಡಾ.ಟಿ.ಚಂದ್ರಶೇಖರ್ ಉಪನಿರ್ದೇಶಕರು (ಆಡಳಿತ )ಬೆಂಗಳೂರು ನಗರ, ರವರು ಭಾಗವಹಿಸಿದ್ದರು.
ಸಮಾರಂಭದ ಅಧ್ಯಕ್ಷತೆಯನ್ನು ಡಾಕ್ಟರ್ ಎಚ್ ಸಿ ಇಂದ್ರೇಶ್, ಅಧ್ಯಕ್ಷರು, ಕರ್ನಾಟಕ ಪಶು ವೈದ್ಯಕೀಯ ಪರಿಷತ್ತು, ಕರ್ನಾಟಕ ಸರ್ಕಾರ, ಇವರು ವಹಿಸಿದ್ದರು. ನಿವೃತ್ತ ಡೀನ್ ರಾದ ಡಾ.ಎಚ್.ಎ.ಉಪೇಂದ್ರ ರವರು ಹಾಗೂ ಬೆಂಗಳೂರು ಪಶು ವೈದ್ಯಕೀಯ ಮಹಾ ವಿದ್ಯಾಲಯದ ಪ್ರಾಧ್ಯಾಪಕರಾದ ಡಾ. ಬಿ ಎಂ ವೀರೆಗೌಡರವರು ಉಪನ್ಯಾಸ ನೀಡಿದರು. ಸಮಾರಂಭದ ಪ್ರಾಯೋಜಕತ್ವವು ಪೌಲ್ಟ್ರಿ ಫಾರ್ಮರ್ಸ್ ಮತ್ತು ಬ್ರೀಡರ್ಸ್ ಅಸೋಸಿಯೇಷನ್, ಬೆಂಗಳೂರು ರವರಿಂದ ನೆರವೇರಿಸಲ್ಪಟ್ಟಿತು.