ಚಳ್ಳಕೆರೆ 31 ಶೇಂಗಾ ಬೆಳೆ ನಷ್ಟ ಪರಿಹಾರ ನೀಡಲು ವಿಧಿಸಿರುವ ಅವೈಜ್ಞಾನಿಕ ಮಾನದಂಡಗಳನ್ನು ಕೈಬಿಟ್ಟು ಹಾನಿಗೊಳಗಾದ ಶೇಂಗಾ ಬೆಳೆಗೆ ಶೀಘ್ರವೇ ಬೆಳೆ ನಷ್ಟ ಪರಿಹಾರ ನೀಡುವಂತೆ ತಾ.ಕಚೇರಿ ಬಳಿ ರಾಜ್ಯ ಸಂಘ ತಹಶೀಲ್ದಾರ್‌ಗೆ ಮನವಿ ಸಲ್ಲಿಸಿದರು.
ತಾಲ್ಲೂಕಿನಲ್ಲಿ ಸತತವಾಗಿ ಸುರಿದ ಮಳೆಗೆ ಶೇಂಗಾ ಬೆಳೆಯು ಉತ್ತಮವಾಗಿ ಬೆಳೆದರು, ಇಳುವರಿಯಿಲ್ಲದೆ ಶೇಂಗಾ ಬೆಳೆಯು ಹಾನಿಗೊಳಗಾಗಿದೆ. ಕೂಡಲೇ ಸರ್ಕಾರ ರೈತರ ಶೇಂಗಾ ಬೆಳೆಗೆ ಬೆಳೆ ನಷ್ಟ ಪರಿಹಾರವನ್ನು ರೈತರ ಖಾತೆಗೆಗಳಿಗೆ ಜಮಾ ಮಾಡಬೇಕು ಎಂದು ರೈತರ ಸಂಘದ ಪದಾಧಿಕಾರಿಗಳು ಒತ್ತಾಯ ಮಾಡಿದರು.
ರೈತರು ಪಾವತಿ ಮಾಡಿರುವ ಬೆಳೆ ವಿಮೆಗೆ ವಾರ್ಷಿಕ ಮಳೆ ವರದಿ ಆಧರಿಸಿ ವಿಮೆ ಕಂಪನಿಯನ್ನು ಬೆಳೆ ವಿಮೆ ಅಂದಾಜು ಮಾಡುವುದು ಅವೈಜ್ಙಾನಿಕ ಮಾನದಂಡವಾಗಿದ್ದು, ಇಂತಹ ಮಾನದಂಡಗಳನ್ನು ರದ್ದುಪಡಿಸಿ ಬೆಳೆ ನಷ್ಟ ವಿಮೆಯನ್ನು ಬಿಡುಗೊಳಿಸಬೇಕು. ಕಳೆದ ಬಾರಿ ಕೆಲವು ಪಂಚಾಯಿತಿಗಳ ರೈತರಿಗೆ ಬೆಳೆ ವಿಮೆ ಪಾವತಿ ಮಾಡಿ, ಉಳಿದ ರೈತರಿಗೆ ವಂಚನೆ ಮಾಡಲಾಗಿದೆ ಎಂದು ಆರೋಪಿಸಿದರು.
ಕಳೆದ 15 ವರ್ಷಗಳಿಂದ ರೈತರ ಬೆಳೆಗಳು ಅತಿವೃಷ್ಟಿ, ಅನಾವೃಷ್ಟಿಗೆ ಸಿಲುಕಿ ಹಾನಿಗೊಳಗಾಗಿವೆ. ರೈತರು ಸರ್ಕಾರಿ ಮತ್ತು ಸಹಕಾರಿ ಬ್ಯಾಂಕ್ ಗಳಲ್ಲಿ ಮಾಡಿರುವ ಎಲ್ಲಾ ಸಾಲಗಳನ್ನು ಮನ್ನಾ ಮಾಡಬೇಕು. ಸರ್ಕಾರ ರೈತರ ಪಂಪ್ ಸೆಟ್ ಗಳಿಗೆ ವಿದ್ಯುತ್ ಮೀಟರ್ ಅಳವಡಿಸಿಲು ಮುಂದಾಗಿರುವುದನ್ನು ಕೈಬಿಡಬೇಕು ಎಂದು ಒತ್ತಾಯ ಮಾಡಿದರು.
ತಹಶೀಲ್ದಾರ್ ಎನ್.ರಘುಮೂರ್ತಿ ಮನವಿ ಸ್ವೀಕರಿಸಿ ಮಾತನಾಡಿ ಗ್ರಾಮಲೆಕ್ಕಾಧಿಕಾರಿಗಳ ಸಂಖ್ಯೆ ಕಡಿಮೆ ಇದ್ದು ಒಬ್ಬೊರ ಎರಡು ಮೂರು ಪಿರ್ಕಗಳನ್ನುನೋಡಿಕೊಳ್ಳುತ್ತಿದ್ದಾರೆ ಕೂಡಲೆ ತುರ್ತಾಗಿ ತಂತ್ರAಶಾದಲ್ಲಿ ಬೆಳೆನಷ್ಟದ ವರದಿಯನ್ನು ನೋಂದಾಸುವ ವ್ಯವಸ್ಥೆ ಮಾಡಲಾಗುವುದು ನಿಮ್ಮಮನವಿಯನ್ನು ಜಿಲ್ಲಾಧಿಕಾರಿಗಳಮೂಲಕ ಸರಕಾರಕ್ಕೆ ಕಳಿಸಿಕೊಡಲಾಗುವುದು ಎಂದು ಭರವಸೆ ನೀಡಿದರು.
ಈ ವೇಳೆ ಕರ್ನಾಟಕ ರಾಜ್ಯ ರೈತ ಸಂಘದ ರಾಜ್ಯ ಉಪಾಧ್ಯಕ್ಷ ಬೇಡರೆಡ್ಡಿಹಳ್ಳಿ ಬಸವರೆಡ್ಡಿ, ತಾಲ್ಲೂಕು ಅಧ್ಯಕ್ಷ ಡಿ.ಚಂದ್ರಶೇಖರ್, ಕಾರ್ಯದರ್ಶಿ ಹನುಮಂತರೆಡ್ಡಿ, ರೈತ ಮುಖಂಡರಾದ ಬಿ.ವಿ.ತಿಪ್ಪೇಸ್ವಾಮಿ, ನವೀನ್, ಎಸ್. ಮಂಜುನಾಥ, ನಾಗರಾಜ್ ಸೇರಿದಂತೆ ಮುಂತಾದವರು ಇದ್ದರು.