ಚಳ್ಳಕೆರೆ. ನ.14 ಚಳ್ಳಕೆರೆ ತಾಲೂಕಿನ ಗೋಪನಹಳ್ಳಿ ಗ್ರಾಮದಲ್ಲಿ ದೀಪವಾಳಿ ಹಬ್ಬದ ಹಂಗವಾಗಿ ಎತ್ತಿನ ಹಬ್ಬವನ್ನು ಸಡಗರ ಸಂಭ್ರಮದಿAದ ಮಂಗಳವಾರ ಸಂಜೆ ಆಚರಣೆ ಮಾಡಲಾಯಿತು.

ದೀವಣಿಗೆ ಹಬ್ಬದ ವಿಶೇಷವೆಂದರೆ ದನಗಳಿಗೆ ಅಲಂಕಾರ ಮಾಡಿ ಅವುಗಳ ಮೆರವಣಿಗೆ ನಡೆಸಿ ಊರ ಹೊರಗಿನ ದೇವಸ್ಥಾನ ಮುಂದೆ ಗ್ರಾಮದ 9 ಜನ ಅಯಾಗಾರರು ಕಳ್ಳೆ ಮುಳ್ಳು ಜಾತಿಯ ಬೇಲಿಯನ್ನು ಕಡಿದು ಈಡು(ಕಿಚ್ಚು) ಕಟ್ಟಲಾಗುತ್ತದೆ. ಗ್ರಾಮದಲ್ಲಿರುವ ಎಲ್ಲಾ ದನಗಳನ್ನು ಮೈತೊಳೆದು ಕೋಡುಗಳಿಗೆ ಬಣ್ಣ, ಕೋಡನ್ಸ್, ಹೂವಿನ ಹಾರ, ಬಲೂನ್ ಟೇಪ್ ಅಲಂಕರಿಸುತ್ತಾರೆ.
ಹೀಗೆ ಅಲಂಕರಿಸಿದ ದನಗಳನ್ನು ಪ್ರತಿಯೊಬ್ಬರು ಮೆರವಣಿಗೆ ಮೂಲಕ ಗ್ರಾಮದ ಬಸ್ ನಿಲ್ದಾಣದಲ್ಲಿ ಒಂದೆಡೆ ಕರೆತಂದು ಪಟಾಕಿ ಸಿಡಿಸಿ ಹರ್ಷಗೊಳ್ಳುತ್ತಾರೆ. ಪಟಾಕಿ ಸದ್ದಿಗೆ ದನಗಳು ಬೆದರುವಾಗ ಜನಗಳು ಕೇಕೆ ಹಾಕುತ್ತಾರೆ ಹರ್ಷಗೊಳ್ಳುತ್ತಾರೆ. ನಂತರ ಮೆರವಣಿಗೆ ಮೂಲಕ ಊರ ಹೊರಗಿನ ರುದ್ರಭೂಮಿ ಸಮೀಪ ಗ್ರಾಮದ ಒಂಬತ್ತು ಆಯಾಗಾರರು ಕಳ್ಳೆ ಮುಳ್ಳಿನಿಂದ ನಿರ್ಮಿಸಿದ ಈಡು(ಕಿಚ್ಚು) ಬಳಿ ದನಗಳನ್ನು ಹೊಡೆದುಕೊಂಡು ಹೋಗಿ ಈಡಿಗೆ ಪೂಜೆ ಸಲ್ಲಿಸಿ ನಂತರ ಬೆಂಕಿ ಹಚ್ಚಿದಾಗ ದನಗಳನ್ನು ಮೂರು ಸುತ್ತು ಸುತ್ತರಸಿ ಗ್ರಾಮದತ್ತ ಮರಳಿಗೆ ಮನೆಗಳಿಗೆ ಹೋಗುತ್ತವೆ ನಂತರ ಅವುಗಳಿಗೆ ಆರತಿ ಬೆಳೆಗೆ ಎಡೆ ಹಾಕಿ ಪೂಜೆ ಮಾಡಿ ಎಲ್ಲರೂ ಗೋ ಪೂಜೆ ಮಾಡುತ್ತಾರೆ.
ಕಣ್ಮರೆಯಾಗುತ್ತಿರು ಗುಮ್ಮಟಗಳು:
ಸುಮಾರು 18 ವರ್ಷಗಳ ಹಿಂದೆ ನೂರಕ್ಕೂ ಹೆಚ್ಚು ಎತ್ತುಗಳಿಗೆ ಗುಮ್ಮಟ, ಗಾಡಿಗುಮ್ಮಟ, ದ್ವನಿವರ್ಧಕಗಳನ್ನು ಹಾಕಿಕೊಂಡು ಅದ್ದೂರಿಯಾಗಿ ದೀವಣಿಗೆ ಹಬ್ಬವನ್ನು ಆಚರಣೆ ಮಾಡಲಾಗುತ್ತಿತ್ತು ಸತತ ಬರಗಾಲಕ್ಕೆ ತುತ್ತಾಗಿ ಮೇವಿನ ಕೊರತೆಯಿಂದ ರೈತರು ದನಗಳನ್ನು ಮಾರಾಟ ಮಾಡಿ ಕೃಷಿಚಟುವಟಿಕೆಗೆ ಗುಡ್ ಬೈ ಹೇಳಿರುವುದರಿಂದ ದನಗಳ ಸಂಖ್ಯೆ ಕಡಿಮೆಯಾಗಿ ದೀವಣಿಗೆ ಹಬ್ಬದ ಮೇಲೆ ಬರದ ಕರಿ ನೆರಳು ಕಾಡುತ್ತಿದೆ ಎಂಬುದು ಹಿರಿಯರ ಅನಿಸಿಕೆಯಾಗಿದೆ.

ಕಲ್ಲು ಎಸೆಯುವುದು.

ಈಡು(ಕಿಚ್ಚು)ಗೆ ಬೆಂಕಿ ಹಚ್ಚಿದಾಗ ಹುರಿಯುವ ಕಿಚ್ಚಿನೊಳಗೆ ಚಿಕ್ಕ ಕಲ್ಲು ಹಾಕುವ ಪದ್ದತಿ ಇದೆ ಆದರೆ ಇದನ್ನು ಕೆಲವರು ದುರುಪಯೋಗ ಮಾಡಿಕೊಂಡು ದೊಡ್ಡ ದೊಡ್ಡ ಕಲ್ಲುಗಳನ್ನು ಎತ್ತುಗಳನ್ನಿಡಿದ ಹಾಗೂ ವೀಕ್ಷಣೆ ಮಾಡಲು ನಿಂತವರ ಮೇಲೆ ಕಲ್ಲುಗಳನ್ನು ಎಸೆಯುವುದರಿಂದ ರೈತರು ಎದರಿ ಎತ್ತುಗಳನ್ನು ಕಿಚ್ಚು(ಈಡಿ)ನಬಳಿ ಕರೆದುಕೊಂಡು ಬಾರದೆ ಮನೆಯ ಬಳಿಯೇಗೋವುಗಳಿಗೆ ಪೂಜೆ ಮಾಡಲಾಗುತ್ತಿದೆ ರಾತ್ರಿ ಮಬ್ಬುಗತ್ತಲು ಆದ್ದರಿಂದ ಯಾರು ಎಂಬುದು ಗೊತ್ತಾಗಲುವುದಿಲ್ಲ ಕಲ್ಲಿನೇಟು ತಿಂದವರು ಮುಂದಿನ ವರ್ಷ ಎತ್ತುಗಳನ್ನು ಕಿಚ್ಚು ಸುತ್ತುವರಿಸಲು ಮುಂದೆ ಬರುವುದಿಲ್ಲಿ ಇದರಿಂದಾಗಿ ಪ್ರತಿ ವರ್ಷ ಎತ್ತುಗಳ ಸಂಖ್ಯೆ ಕಡಿಮೆಯಾಗುತ್ತಿದೆ ಎಂಬ ಮಾಹಿತಿಯನ್ನು ಕಲ್ಲಿನೇಟು ತಿಂದ ರೈತ ಮಾಹಿತಿ ನೀಡಿದ್ದಾನೆ.

ಗೋ ಪೂಜೆಗೆ ಸರಕಾರದ ಆದೇಶ.
ಹಿಂದೂ ದಾರ್ಮಿಕ ದತ್ತಿ ಇಲಾಖೆಯ ಎಲ್ಲಾ ದೇವಸ್ಥಾನಗಳಲ್ಲಿ ದೀಪಾವಳಿ ಹಾಗೂ ನರಕಚತುರ್ದಸಿ ಹಬ್ಬದ ಅಂಗವಾಗಿ ನವಂಬರ್ 14 ರ ಸಂಜೆ 5.30 ಕ್ಕೆಸರಿಯಾಗಿ ದೇವಸ್ಥಾನದಲ್ಲಿ ಗೋಪೂಜೆ ನೆರೆವೇಸುವಂತೆ ಸರಕಾರದ ಆದೇಶದ ಮೇರೆಗೆ ಗಾಪೂಜೆ ಮಾಡಲು ತಯಾರಿ ನಡೆಸಿದ್ದಾರೆ.