ಹಿರಿಯೂರಯ ಜು.22 ದಕ್ಷಿಣ ಭಾರತದಲ್ಲಿ ಕುಂಚಿಟಿಗರ ಏಕೀಕರಣ ಮತ್ತು ಧೃವೀಕರಣ ಹೋರಾಟದ ಮುಂದುವರಿದ ಭಾಗವಾಗಿ ಬಯಲುಸೀಮೆ ಮಲೆನಾಡು ಕರಾವಳಿ ಕುಂಚಿಟಿಗರ ಸಂಗಮ ಭಾವೈಕ್ಯತಾ ಪ್ರವಾಸ ಏರ್ಪಡಿಸಲಾಗಿದೆ ಎಂದು ಕರ್ನಾಟಕ ರಾಜ್ಯ ಕುಂಚಿಟಿಗರ ಒಕ್ಕೂಟದ ಅಧ್ಯಕ್ಷ ಕಸವನಹಳ್ಳಿರಮೇಶ್ ರಮೇಶ್ ತಿಳಿಸಿದರು.
ಜುಲೈ 27 ನೇ ಶನಿವಾರ ಬೆಳಗಿನ ಜಾವ 4-00 ಗಂಟೆಗೆ ಸರಿಯಾಗಿ ಹಿರಿಯೂರಿನ ಪ್ರವಾಸಿ ಮಂದಿರದಿಂದ ಪ್ರವಾಸಕ್ಕೆ ಚಾಲನೆ ನೀಡಿ,ಶಾಂತಿಸಾಗರ,ನೀಲೋಗಲ್,ಗುಡ್ಡದಕೋಮಾರನಹಳ್ಳಿ,ಗೊಲ್ಲರಹಳ್ಳಿ, ಮಾಸಡಿ,ನರಸಗೊಂಡನಹಳ್ಳಿ, ಸುಂಕದಕಟ್ಟೆ,ಕುಂಕುವ,ಸೂರಗೊಂಡನಕೊಪ್ಪ,ಶಿಕಾರಿಪುರ ತಲುಪಿ ಹಾಲ್ಟ್ ಮಾಡಲಾಗುವುದು. ಜುಲೈ 28 ರಂದು ಬೆಳಿಗ್ಗೆ 5-00 ಗಂಟೆಗೆ ಪ್ರಾರಂಭ ಮಾಡಿ ಕುಬಟೂರು, ಜಡೆ, ಶಿರಸಿ, ದಾಸನಕೊಪ್ಪ, ಲಕ್ಷ್ಮಿಪುರ,ರಂಗಾಪುರ,ಹಾನಗಲ್, ಅಕ್ಕಿಆಲೂರು, ಗ್ರಾಮದಲ್ಲಿ ಪ್ರವಾಸವನ್ನು ಮುಕ್ತಾಯ ಮಾಡಿ ಹಿರಿಯೂರಿಗೆ ವಾಪಾಸ್ ಬರುವುದು ಎಂದು ಹೇಳಿದರು.
ಕುಂಚಿಟಿಗ ಕುಲಶಾಸ್ತ್ರ ಅಧ್ಯಯನಕಾರ
ಎಸ್ ವಿ ರಂಗನಾಥ್ ಮಾತನಾಡಿ
ವಿಜಯನಗರ ಸಾಮ್ರಾಜ್ಯದ ಪತನದ ನಂತರ ತುಂಗಭದ್ರಾನದಿ ದಂಡೆಯಿಂದ ಕರ್ನಾಟಕ,ಆಂಧ್ರಪ್ರದೇಶ,ತಮಿಳುನಾಡು,
ಕೇರಳ,ಮಹಾರಾಷ್ಟ್ರ,ರಾಜ್ಯಗಳಿಗೆ ಸುರಕ್ಷತೆ ಬಯಸಿ ವಲಸೆ ಹೋದ ಕುಂಚಿಟಿಗರು ಪ್ರಾದೇಶಿಕ ಭಾಷೆಗಳ ವ್ಯತ್ಯಾಸ ಮತ್ತು ಸ್ಥಳೀಯ ಪ್ರಭಾವಕ್ಕೆ ಮಣಿದು ಕುಂಚವಕ್ಕಲ್, ಕಮಾಟಿ, ನಾಮಧಾರಿ, ಲಿಂಗಾಯಿತ ಕುಂಚಿಟಿಗ,ಕುಂಚಿಟಿಗಒಕ್ಕಲಿಗ,ಕುರುಚಿಯನ್,ಕುಂಜಿಡಿಗರ್, ಗೌಂಡರ್,ರೆಡ್ಡಿಕುಂಚಿಟಿಗ, ಇತ್ಯಾದಿ ಹೆಸರಿನಲ್ಲಿ ಹರಿದು ಹಂಚಿಹೋಗಿದ್ದು,ಕುಲಬೆಡಗು,ಮತ್ತು ಮನೆ ದೇವರುಗಳ ಆಧಾರದಲ್ಲಿ ಇವರೆಲ್ಲ ಕುಂಚಿಟಗರೆ ಆಗಿದ್ದಾರೆ,ಆದ್ದರಿಂದ ಕುಲ ಬೆಡಗಿನ ಆಧಾರದಲ್ಲಿ ಕುಂಚಿಟಿಗರನ್ನು ಒಂದುಗೂಡಿಸಲು “ಮರಳಿ ಬಾ ಕುಂಚಿಟಿಗ ” ಗಡಿನಾಡು ಕುಂಚಿಟಿಗರ ಮನೆದೇವರು ದರ್ಶನ,ಇಷ್ಟಾರ್ಥ ಸಿದ್ಧಿಗಾಗಿ ಕುಂಚಿಟಿಗರ ಅಷ್ಟದೈವ ಯಾತ್ರೆ,ತಮಿಳುನಾಡು,ಕೇರಳ ರಾಜ್ಯಗಳ ಕುಂಚಿಟಿಗರ ಭಾವೈಕ್ಯತಾ ಪ್ರವಾಸ ಮಾಡಿದ್ದೇವೆ,ಅದೇ ರೀತಿ ಈ ವರ್ಷದಲ್ಲಿ ಬಯಲುಸೀಮೆ ಮಲೆನಾಡು ಕರಾವಳಿ ಕುಂಚಿಟಿಗರ ಭಾವೈಕ್ಯತಾ ಪ್ರವಾಸ ಏರ್ಪಡಿಸಲಾಗಿದೆ ಎಂದು ತಿಳಿಸಿದರು.
ಹಿರಿಯೂರು ತಾಲ್ಲೋಕು ಕುಂಚಿಟಿಗರ ಕ್ಷೇಮಾಭಿವೃದ್ಧಿ ಸಂಘದ ಅಧ್ಯಕ್ಷ ಹುಲಿರಂಗನಾಥ್ ಮಾತನಾಡಿ ಚನ್ನಗಿರಿ,ಹೊನ್ನಾಳಿ,ನ್ಯಾಮತಿ, ಶಿಕಾರಿಪುರ,ಸೊರಬ,ಶಿರಸಿ,ಹಾನಗಲ್ ಭಾಗದಲ್ಲಿರುವ ಕುಂಚಿಟಗ ಕುಲ ಬಾಂಧವರು ಪ್ರವಾಸ ಪಟ್ಟಿಯಲ್ಲಿ ಬರುವ ಗ್ರಾಮಗಳಲ್ಲಿ ಅಕ್ಕ ಪಕ್ಕದ ಗ್ರಾಮದವರನ್ನು ಸೇರಿಸಿ ಹೃದಯಸ್ಪರ್ಶಿ ಸ್ವಾಗತ ಕೋರುವ ಮೂಲಕ ನಿಮ್ಮ ಗ್ರಾಮಕ್ಕೆ ಬರಮಾಡಿಕೊಂಡು ಉಭಯ ಕುಶಲೋಪರಿಯೊಂದಿಗೆ ಕಾರ್ಯಕ್ರಮ ಯಶಸ್ವಿಗೊಳಿಸಬೇಕೆಂದು ಮನವಿ ಮಾಡಿದರು.
ಸುದ್ದಿಗೋಷ್ಠಿಯಲ್ಲಿ ಕಸವನಹಳ್ಳಿರಮೇಶ್,ಎಸ್ ವಿ ರಂಗನಾಥ್, ಹುಲಿರಂಗನಾಥ್,ವಿ ಕುಬೇರಪ್ಪ,ಶಶಿಕಲಾ ಉಪಸ್ಥಿತರಿದ್ಧರು.
ಡಿ.ಸಿ.ಸಿ. ಬ್ಯಾಂಕ್ ನಿರ್ದೇಶಕರಾಗಿ ಓ.ಮಂಜುನಾಥ್ ಮಾಳಿಗೆ ಅವರು ಅವಿರೋಧ ಆಯ್ಕೆಯಾಗಿದ್ದಾರೆ.
ಚಿತ್ರದುರ್ಗ: ಚಿತ್ರದುರ್ಗ ಜಿಲ್ಲಾ ಸಹಕಾರ ಕೇಂದ್ರ ಬ್ಯಾಂಕ್ ನಿಯಮಿತ, ಚಿತ್ರದುರ್ಗ ಇದರ ಆಡಳಿತ ಮಂಡಳಿ ನಿರ್ದೇಶಕರ ಸ್ಥಾನಕ್ಕೆ ಹಿರಿಯೂರು...
0 Comments