ಚಳ್ಳಕೆರೆ ಸೆ.4ಬಡವರ ಬಾದಾಮಿ ಶೇಂಗಾ ಬೆಳೆಗೆ ಸುರುಳಿ ಪೂಚಿ ರೋಗ ಅನ್ನದಾತರಲ್ಲಿಆತಂಕ.
ಹೌದು ಇದು ತಾಲೂಕಿನಲ್ಲಿ ಪ್ರಮುಖ ವಾಣಿಜ್ಯ ಬೆಳೆಯಾದ ಶೇಂಗಾ ಬೆಳೆ ಮುಂಗಸರು ಹಂಗಾಮಿನಲ್ಲಿ ಮಳೆಯ ಕೊರತೆ ಹಾಗೂ ಅತಿ ಕಡಿಮೆ ತೇವಾಂಶದಲ್ಲಿ ದುಬಾರಿ ಬೆಲೆಯ ಶೇಂಗಾ ಬಿತ್ತನೆ ಮಾಡಿದ್ದು ಕಳೆ. ಎಡೆಕುಂಟೆ ಹೊಡೆದು ಬೆಳೆಯಲ್ಲಿನ ಕಳೆ ಸ್ವಚ್ಚತೆ ಮಾಡಿಕೊಳ್ಳಯವಾಗಲೆ ಉತ್ತಮ ಮಳೆಯಾಗಿದ್ದು ಬಾಡುವ ಬೆಳೆಗೆ ಮಳೆಯಿಂದ ಜೀವಕಳೆ ಬಂದು ರೈತರಲ್ಲಿ ಮಂದಹಾಸ ಮೂಡುವಂತೆ ಮಾಡಿದ ಬೆನ್ನಲ್ಲೇ ಈಗ ಶೇಂಗಾ ಬೆಳೆ ಹೂವು ಕಾತುತ್ತಿರುವಾಗಲೆ ಬೆಂಕಿ ರೋಗ ಹಾಗೂ ಕೀಟ ಬಾದೆ ಕಾಣಿಸಿಕೊಂಡಿದ್ದು ರೈತರಿಗೆ ಬರಸಿಡಿಲು ಬಡಿದಂತಾಗಿ ಅತಂಕಕ್ಕೆ ದೂಡುವಂತೆ ಮಾಡಿದೆ.
ಬಹುತೇಕ ಗ್ರಾಮಗಳಲ್ಲಿಯ ರೈತರ ಶೇಂಗಾ ಬೆಳೆಗೆ ಬೆಂಕಿ ರೋಗ ಕಾಣಿಸಿಕೊಂಡಿದ್ದು, ಗಿಡಗಳು ಒಣಗಲು ಪ್ರಾರಂಭಿಸಿವೆ.ರೈತರು ಆತಂಕಕ್ಕೀಡಾಗಿದ್ದಾರೆ.
ಆತಂಕ ಬೇಡ ಜಾಗೃತಿ ವಹಿಸಿ.
ಸಹಾಯಕ ಕೃಷಿ ನಿರ್ದೇಶಕ ಡಾ
ಅಶೋಕ್ ಕೀಟಬಾದೆಗೆ ತುತ್ತಾದ ರೈತರ ಜಮೀನುಗಳಿಗೆ ಭೇಟಿ ನೀಡಿ ಪರಿಶೀಲನೆ ನಡೆಸಿ ರೋಗ ಬಾದೆ ಅತೋಟಿಗೆ ಕೆಲವು ಸಲಹೆಗಳನ್ನು ನೀಡಿದ್ದಾರೆ. ತಾಲ್ಲೂಕಿನಾದ್ಯಾಂತ ಶೇಂಗ ಬೆಳೆಯು ಸುಮಾರು 65146 ಹೆಕ್ಟೇರ್ ಪ್ರದೇಶದಲ್ಲಿ
ಬಿತ್ತನೆಯಾಗಿದ್ದು ಕಳೆದ ಹದಿನೈದು ದಿನಗಳ ಹಿಂದೆ ಉತ್ತಮ ಮಳೆಯಾಗಿದ್ದರಿಂದ ಶೇಂಗಾ, ತೊಗರಿ, ಮತ್ತು
ಹರಳು ಬೆಳೆಗಳು ಉತ್ತಮವಾಗಿ ಬೆಳೆದಿರುತ್ತವೆ. ಶೇಂಗಾ ಬೆಳೆಯು ಹೂವಾಡುವ ಹಂತದಿಂದ ಹೂಡು
ಇಳಿಯುವ ಹಂತದವರೆಗೆ ವಿವಿಧ ಹಂತಗಳಲ್ಲಿ ಇರುತ್ತದೆ. ಆದರೆ ಈಗ ಶೇಂಗಾ ಬೆಳೆಯಲ್ಲಿ ಸುರುಳಿ ಸೂಚಿ,
ಹಸಿರು ಹುಳು ಬಾಧೆ ಕಂಡು ಬಂದಿದ್ದು ರೈತರು ಕೂಡಲೇ ಹತೋಟಿ ಕ್ರಮ ಕೈಗೊಳ್ಳಲು ಕೋರಲಾಗಿದೆ.
ಇಲ್ಲವಾದಲ್ಲಿ ಇಳುವರಿಯಲ್ಲಿ ತೀವ್ರ ಕುಂಠಿತವಾಗುವ ಸಾಧ್ಯತೆ ಇರುತ್ತದೆ. ರೈತರು ಸುರುಳಿ ಪೂಚಿ, ಹಸಿರು
ಹುಳು ಬಾಧೆ ಕಂಡು ಬಂದಲ್ಲಿ ಮೊನೊಕ್ರೋಟೋಫಾಸ್ 1.5 ಮಿ.ಲೀ ಅಥವಾ ಕ್ವಿನಾಲ್ಫಾಸ್ 2ಮಿ.ಲೀ ಅಥವಾ
ಫಿಪ್ರೋನಿಲ್ 1.5 ಮಿ.ಲೀ ಅಥವಾ ಲ್ಯಾಪ್ಟಾಸೈಲೋಥೀನ್ 1 ಮಿ.ಲೀ ಅಥವಾ ಎಮಾಮೆಕ್ಟಿನ್ ಬೆಸ್ಟೋಯೆಟ್
0.5 ಮಿ.ಗ್ರಾಂ ಒಂದು ಲೀಟರ್ ನೀರಿಗೆ ಸೇರಿಸಿ ಎಕರೆಗೆ 250 ಲೀಟರ್ ದ್ರಾವಣವನ್ನು ಸಿಂಪರಣೆ ಮಾಡಲು
ತಾಲ್ಲೂಕಿನ ಎಲ್ಲಾ ರೈತ ಭಾಂಧವರಲ್ಲಿ ಸಹಾಯಕ ಕೃಷಿ ನಿರ್ದೇಶಕರಾದ ಜೆ.ಅಶೋಕ್ ಇವರು
ಕೋರಿರುತ್ತಾರೆ. ಹಾಗೂ ಹೆಚ್ಚಿನ ಮಾಹಿತಿಗಾಗಿ ಹತ್ತಿರದ ರೈತ ಸಂಪರ್ಕ ಕೇಂದ್ರಗಳಿಗೆ ಬೇಟಿ ನೀಡಲು
ಕೋರಿರುತ್ತಾರೆ.
0 Comments