ಹಿರಿಯೂರು :
ತಾಲ್ಲೂಕಿನ ಆದಿವಾಲ ಗ್ರಾಮದ ವಾಸಿಯಾಗಿರುವ ಕುಮಾರಿ ವರ್ಷ ಉಮಾಪತಿರವರು ಅಂಧ ಮಹಿಳೆಯ ಕ್ರಿಕೆಟ್ ತಂಡದ ನಾಯಕಿಯಾಗಿ ಆಯ್ಕೆಯಾಗಿದ್ದು, ನಮ್ಮ ತಾಲ್ಲೂಕಿನ ಪ್ರತಿಭೆ ಅತ್ಯುತ್ತಮವಾಗಿ ತಮ್ಮ ತಂಡವನ್ನು ಮುಂದುವರೆಸಿಕೊಂಡು ಹೋಗುವ ಮೂಲಕ ಪಂದ್ಯದಲ್ಲಿ ಜಯಗಳಿಸಲಿ ಎಂಬುದಾಗಿ ಉಲಮಾ ಎ ಹಿಂದ್ ಅಧ್ಯಕ್ಷರಾದ ಅಬ್ದುಲ್ಲಾ ಮೌಲಾನಾ ಹೇಳಿದರು.
ಜಮಿಯತ್ ಉಲುಮಾ ಎ ಹಿಂದ್ ಹಿರಿಯೂರು ಶಾಖೆ ಹಾಗೂ ಮುಸ್ಲಿಂ ಜನಾಂಗದ ವತಿಯಿಂದ ನಮ್ಮ ಭಾರತ ದೇಶಕ್ಕೆ ಕೀರ್ತಿ ತಂದ ಅಂಧ ಮಹಿಳೆಯ ಕ್ರಿಕೆಟ್ ತಂಡದ ನಾಯಕಿಯಾದ ಕುಮಾರಿ ವರ್ಷ ಉಮಾಪತಿರವರಿಗೆ ಶಾಲು ಹೊದಿಸಿ, ಸನ್ಮಾನಿಸಿ, ಅವರು ಮಾತನಾಡಿದರು.
ಈ ಸಮಾರಂಭದಲ್ಲಿ ಮೌಲಾನ ವಸೀಂ ಸಾಹಬ್, ನಯಾಜ್, ಲಾಲು, ಜಪ್ರುದ್ದೀನ್ ಪಂಟು, ಆದಿವಾಲ ಮುನಿರ್, ಅಸ್ಲಾಂ ಪಠಾನ್, ಶಿವು ಸೇರಿದಂತೆ ಅನೇಕರು ಉಪಸ್ಥಿತರಿದ್ದರು. ಜಾಕಿರ್ ಹುಸೇನ್ ರವರು ಕಾರ್ಯಕ್ರಮವನ್ನು ನಿರೂಪಿಸಿದರು. ಕೊನೆಯಲ್ಲಿ ಕರವೇ ಡಿಕೆಎಸ್ ದಾದಾಪೀರ್ ವಂದಿಸಿದರು.