ಹಿರಿಯೂರು :
ಐದು ರಾಜ್ಯಗಳು 18 ಜಿಲ್ಲೆಗಳು 46 ತಾಲ್ಲೂಕುಗಳಲ್ಲಿ 28 ಲಕ್ಷಕ್ಕೂ ಅಧಿಕ ಸಂಖ್ಯೆಯ ಕುಂಚಿಟಿಗರು ಕುಲಬೆಡಗುಗಳ ಆಧಾರದ ಮೇಲೆ ಒಗ್ಗೂಡಿ ನ್ಯಾಯಯುತ ಬೇಡಿಕೆಗಳಾದ ಕೇಂದ್ರ ಒಬಿಸಿ ರಾಜ್ಯ ಸರ್ಕಾರದ ಪ್ರವರ್ಗ ಒಂದರ ಮೀಸಲಾತಿ ಹಾಗೂ ಪ್ರತ್ಯೇಕ ಅಭಿವೃದ್ಧಿ ನಿಗಮ ಬೇಡಿಕೆಗಳನ್ನು ಸಕಾಲದಲ್ಲಿ ಸರ್ಕಾರ ಕೊಡಬೇಕು ಎಂಬುದಾಗಿ ರಾಜ್ಯ ಕುಂಚಿಟಿಗರ ಒಕ್ಕೂಟದ ಅಧ್ಯಕ್ಷರಾದ ಕಸವನಹಳ್ಳಿ ರಮೇಶ್ ಹೇಳಿದರು.
ತಾಲ್ಲೂಕು ಕಳವಿಭಾಗಿ ರಂಗನಾಥಸ್ವಾಮಿ ದೇವಸ್ಥಾನದಲ್ಲಿ ಕುಂಚಿಟಿಗ ಗ್ರಾಮ ಪಂಚಾಯಿತಿ ಅಧ್ಯಕ್ಷರು ಹಾಗೂ ಉಪಾಧ್ಯಕ್ಷರಿಗೆ ಸನ್ಮಾನಿಸಿ ನಂತರ ಅವರು ಮಾತನಾಡಿದರು.
ಕೇಂದ್ರ ಒಬಿಸಿ ರಾಜ್ಯ ಸರ್ಕಾರದ ಪ್ರವರ್ಗ ಒಂದರ ಮೀಸಲಾತಿ ಹಾಗೂ ಪ್ರತ್ಯೇಕ ಅಭಿವೃದ್ಧಿ ನಿಗಮ ಬೇಡಿಕೆಗಳನ್ನು ಸಕಾಲದಲ್ಲಿ ಸರ್ಕಾರ ಕೊಡದಿದ್ದರೆ ಮುಂದಿನ ದಿನಗಳಲ್ಲಿ ಪಾದಯಾತ್ರೆ ಚಳುವಳಿ ಇನ್ನಿತರ ಹೋರಾಟಗಳ ಮುಖಾಂತರ ನಮ್ಮ ಹಕ್ಕುಗಳನ್ನು ಪಡೆದುಕೊಳ್ಳುವುದು ಅನಿವಾರ್ಯವಾಗುತ್ತದೆ ಎಂಬುದಾಗಿ ಅವರು ಹೇಳಿದರು.
ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ಹುಲಿರಂಗನಾಥ್ ಮಾತನಾಡಿ, ಕುಂಚಿಟಿಗ ಸಮಾಜದ ಸಮುದಾಯ ಭವನ ಕಟ್ಟಲು ಸಮಾಜದ ಹಿರಿಯಮುಖಂಡರಾದ ಎಂ.ಜಯಣ್ಣನವರು ನಗರಕ್ಕೆ ಹತ್ತಿರವಿರುವ ತಮ್ಮ ಜಮೀನಿನಲ್ಲಿ ಸ್ವಲ್ಪಭಾಗವನ್ನು ಕುಂಚಿಟಿಗ ಸಮಾಜಕ್ಕೆ ದಾನವಾಗಿ ಕೊಡಬೇಕು ಎಂಬುದಾಗಿ ಅವರು ಈ ಸಂದರ್ಭದಲ್ಲಿ ಮನವಿ ಮಾಡಿದರು.
ಜಿಲ್ಲಾ ಪಂಚಾಯತಿ ಮಾಜಿ ಅಧ್ಯಕ್ಷರಾದ ಎಂ.ಜಯಣ್ಣನವರು ಮಾತನಾಡಿ, ಕುಂಚಿಟಿಗ ಸಮಾಜದ ಬೇಡಿಕೆಗಳನ್ನು ಪಡೆಯಲು ನಡೆಸುವ ಹೋರಾಟಗಳಿಗೆ ನಾನು ಸದಾ ಬೆಂಬಲ ಕೊಡುತ್ತೇನೆ ಎಂದರಲ್ಲದೆ, ಕುಂಚಿಟಿಗ ಸಮಾಜಕ್ಕೆ ಜಮೀನು ಕೊಡುವ ಬೇಡಿಕೆಯನ್ನು ಮುಂದಿನದಿನಗಳಲ್ಲಿ ಪರಿಶೀಲಿಸುವುದಾಗಿ ಭರವಸೆ ನೀಡಿದರು.
ಬಿಬಿಎಂಪಿ ಉಪ ಆಯುಕ್ತರು ಹಾಗೂ ಸಮಾಜದ ಮುಖಂಡರಾದ ಬೇತುರು ಪಾಳ್ಯ ರಾಜು ಮಾತನಾಡಿ, ನಮ್ಮ ಸಮಾಜದ ಗ್ರಾಮ ಪಂಚಾಯತಿ ಅಧ್ಯಕ್ಷರುಗಳು ಅವರ ಅವಧಿಗಳಲ್ಲಿ ಸಾರ್ವಜನಿಕರಿಗೆ ಹೆಚ್ಚಿನ ಕೆಲಸ ಮಾಡಿ ಕೊಡುವ ಮೂಲಕ ಮುಂದಿನ ದಿನಗಳಲ್ಲಿ ಉನ್ನತ ರಾಜಕೀಯ ಅವಕಾಶಗಳು ಸಿಗುವಂತಾಹಬೇಕು ಎಂಬುದಾಗಿ ಹೇಳಿದರು.
ಅಖಿಲ ಕುಂಚಿಟಿಗ ಮಹಾಮಂಡಳಿ ಅಧ್ಯಕ್ಷರಾದ ರಂಗಹನುಮಯ್ಯ ಮಾತನಾಡಿ, ರಾಜ್ಯದ ಮೂಲೆಮೂಲೆಗಳನ್ನು ಸುತ್ತಿ ಕುಂಚಿಟಿಗರ ಸಮಾಜವನ್ನು ಸಂಘಟಿಸೋಣ ಹಾಗೂ ಈ ಕಾರ್ಯಕ್ಕೆ ಸಮಾಜದ ಪ್ರತಿಯೊಬ್ಬರೂ ನಮ್ಮೊಂದಿಗೆ ಕೈಜೋಡಿಸಬೇಕು ಎಂಬುದಾಗಿ ಹೇಳಿದರು.
ಈ ಸಂದರ್ಭದಲ್ಲಿ ಶಿರಾ ಕುಂಚಿಟಿಗರ ಸಂಘದ ಗೋವಿಂದರಾಜು, ಚಿಗಳಿಕಟ್ಟೆ ಕಾಂತರಾಜ್, ಇನ್ನಿತರರು ಮಾತನಾಡಿದರು. ಈ ಕಾರ್ಯಕ್ರಮದಲ್ಲಿ 9 ಜನಗ್ರಾಮ ಪಂಚಾಯಿತಿ ಅಧ್ಯಕ್ಷರು ಹಾಗೂ ಒಬ್ಬರು ಉಪಾಧ್ಯಕ್ಷರು ಹಾಗೂ ಒಬ್ಬ ಕಲಾವಿದರನ್ನು ಸನ್ಮಾನಿಸಲಾಯಿತು.
ಈ ಕಾರ್ಯಕ್ರಮದಲ್ಲಿ ಕುಂಚಿಟಿಗರ ಕ್ಷೇಮಾಭಿವೃದ್ಧಿ ಸಂಘದ ಪೆಪ್ಸಿ ಹನುಮಂತರಾಯ, ಮಲ್ಲಪ್ಪನಹಳ್ಳಿ ಜ್ಯೋಗೇಶ್, ಎಂ.ಗಿರಿಸ್ವಾಮಿ, ದೇವರಕೊಟ್ಟ ರಂಗಸ್ವಾಮಿ, ಕ್ಯಾದಿಗುಂಟೆ ಯಶೋಧರ, ಕೆ.ಜಿ.ಎಚ್.ಗೌಡ, ನಿಂಗರಾಜು, ತೇಜಪ್ಪ, 500ಕ್ಕೂ ಹೆಚ್ಚುಜನ ಕುಲಬಾಂಧವರು ಭಾಗವಹಿಸಿದ್ದರು. ನಗರಸಭಾ ಸದಸ್ಯ ಪಾಂಡುರಂಗ ವಿಠ್ಠಲ್ ಸನ್ಮಾನ ಕಾರ್ಯಕ್ರಮ ನಡೆಸಿಕೊಟ್ಟರು. ಪ್ರಧಾನ ಕಾರ್ಯದರ್ಶಿ ಕುಬೇರಪ್ಪ ಸ್ವಾಗತ ಮಾಡಿದರು. ನಿರ್ದೇಶಕರಾದ ದಿಂಡಾವರ ಚಂದ್ರಗಿರಿ ಕಾರ್ಯಕ್ರಮ ನಿರೂಪಣೆ ಮಾಡಿದರು.
ಡಿ.ಸಿ.ಸಿ. ಬ್ಯಾಂಕ್ ನಿರ್ದೇಶಕರಾಗಿ ಓ.ಮಂಜುನಾಥ್ ಮಾಳಿಗೆ ಅವರು ಅವಿರೋಧ ಆಯ್ಕೆಯಾಗಿದ್ದಾರೆ.
ಚಿತ್ರದುರ್ಗ: ಚಿತ್ರದುರ್ಗ ಜಿಲ್ಲಾ ಸಹಕಾರ ಕೇಂದ್ರ ಬ್ಯಾಂಕ್ ನಿಯಮಿತ, ಚಿತ್ರದುರ್ಗ ಇದರ ಆಡಳಿತ ಮಂಡಳಿ ನಿರ್ದೇಶಕರ ಸ್ಥಾನಕ್ಕೆ ಹಿರಿಯೂರು...
0 Comments