ಚಳ್ಳಕೆರೆ ಜನಧ್ವನಿ ವಾರ್ತೆ ನ.5 ಸಾರ್ವಜನಿಕ ಆಸ್ಪತ್ರೆ ಆವರಣದಲ್ಲಿ ಸಾರ್ವಜನಿಕರ ವಾಹನ ನಿಲುಗಡೆ ಕೇಂದ್ರಾಗಿ ಮಾರ್ಪಟ್ಟಿದ್ದು, ಆಸ್ಪತ್ರೆಗೆಬರುವ ರೋಗಿಗಳಿಗೆ ಹಾಗೂ ತುರ್ತು ಚಿಕಿತ್ಸಾ ಘಟಕಕ್ಕೆ ಬರುವ ಅಂಬ್ಯೂಲೆಸ್ಸ್ ವಾಹನಗಳಿಗೆ ಕಿರಿಕಿರಿ ಉಂಟಾಗುತ್ತಿದೆ ಎಂಬ ಆರೋಪಗಳು ಕೇಳಿ ಬರುತ್ತಿವೆ.

ಹೌದ ಇದು ಚಳ್ಳಕೆರೆ ನಗರದ ಹೃದಯ ಭಾಗದ ಚಿತ್ರದುರ್ಗ ರಸ್ತೆಯ ಖಾಸಗಿ ಬಸ್ ನಿಲ್ದಾಣದ ಮುಂಭಾಗದಲ್ಲಿರುವ ಸಾರ್ವಜನಿಕರ ಆಸ್ಪತ್ರೆಗೆ ಪ್ರತಿದಿನ ನೂರಾರು ರೋಗಿಗಳು ಬರುತ್ತಾರೆ. ತುರ್ತು ಚಿಕಿತ್ಸಾ ಘಟಕದ ಮುಂಭಾಗದಲ್ಲೇ ದ್ವಿಚಕ್ರವಾಹನಗಳನ್ನು ಆಸ್ಪತ್ರೆ ಆವರಣದಲ್ಲಿ ನಿಲ್ಲಿಸಿರುವುದರಿಂದ ರೋಗಿಗಳಿಗೆ ಹಾಗೂ 108 ವಾಹನ ಚಾಲಕರಿಗೆ ಕಿರಿಕಿರಿ ಉಂಟಾಗುತ್ತಿದೆ ಎಂಬ ಆರೋಗಪಗಳು ಕೇಳಿ ಬರುತ್ತವೆ.

ಬುದ್ದಿಜೀವಿಗಳು ತಮ್ಮ ದ್ವಿಚಕ್ರವಾಹನಗಳನ್ನು ನಿಲ್ಲಿಸಿ ತಮ್ಮ ತಮ್ಮ ಕೆಲಸ ಕಾರ್ಯಗಳಿಗೆ ತೆರಳುತ್ತಾರೆ.
ಇಲ್ಲಿನ ವಾಹನಗಳ ನಿಲುಗಡೆ ದೃಶ್ಯವನ್ನು ನೋಡಿದರೆ ಸರಕಾರಿ ಆಸ್ಪತ್ರೆಯ ಒಳ ಹಾಗೂ ಹೊರರೋಗಿಗಳಿಂದ ತುಂಬಿದೆ ಎಂಬ ಭಾವನೆ ಬರಬಹುದು ಆದರೆ ಆಸ್ಪತ್ರೆ ಒಳ ಪ್ರವೇಶ ಮಾಡಿ ನೋಡಿದರೆ ವಾರ್ಡ್ಗಳಲ್ಲಿ ಹಾಸಿಗೆಗಳು ಖಾಲಿ ಖಾಲಿಯಾಗಿರುವುದು ಕಣ್ಣಿಗೆ ಕಾಣುತ್ತದೆ. ಹಾಗದರೆ ಆಸ್ಪತ್ರೆ ಆವರಣದಲ್ಲಿ ನಿಂತಿರುವ ನೂರಾರು ದ್ವಿಚಕ್ರವಾಹನಗಳು ಏಕೆ ನಿಂತಿವೆ ಎಂಬ ಪ್ರಶ್ನೆ ತಲೆದೂರುತ್ತದೆ, ಇದರ ಸತ್ಯಾಂಶ ಈ ರೀತಿ ಇದೆ ಗ್ರಾಮೀಣ ಪ್ರದೇಶದಿಂದ ಹಾಗೂ ನಗರದಲ್ಲಿನ ಪ್ರತಿದಿನ ನೂರಾರು ಸಂಖ್ಯೆಯಲ್ಲಿ ಸರಕಾರಿ ಕಚೇರಿ ಹಾಗೂ ದೈನಂದಿನ ಕೆಲಸಕ್ಕಾಗಿ ಚಿತ್ರದುರ್ಗ, ಬಳ್ಳಾರಿ, ಬೆಂಗಳೂರು , ಹಿರಿಯೂರು ಹೀಗೆ ಹಲವು ಕಡೆ ಪ್ರಾಯಾಣ ಮಾಡುವ ಸಲುವಾಗಿ ವಾಹನಗಳ ಭದ್ರತೆ ಹಾಗೂ ಬಸ್ ನಿಲ್ದಾಣ ಸಮೀವಿರುವ ಪ್ರಯುಕ್ಕ ನೌಕರರು, ವ್ಯಾಪಾರಸ್ಥರು, ಸರಕಾರಿ ಕಚೇರಿಗೆ ಬರುವವರೂ ಸಹ ಆಸ್ಪತ್ರೆ ಆವರಣದಲ್ಲಿ ತಮ್ಮ ದ್ವಿಚಕ್ರವಾಹನಗಳನ್ನು ನಿಲ್ಲಿಸಿ ಹೋಗುತ್ತಾರೆ.
ಈ ವಾಹನ ನಿಲುಗಡೆಯ ಪ್ರದೇಶದಲ್ಲಿ ತುರ್ತು ಚಿಕಿತ್ಸಾ ಘಟಕವಿರುವುದರಿಂದ ಪ್ರತಿದಿನ ಹೆರಿಗೆ, ವಿಷಜಂತು, ಸುಟ್ಟಗಾಯಾಳು, ಅಪಘಾತ ಸಂಭವಿಸಿದ ರೋಗಿಗಳನ್ನು ಕರೆತರುವ 108 ಹಾಗೂ ಅಂಬ್ಯೂಲೆಸ್ಸ್ಗಳವಾಹನ ಚಾಲಕರು ದ್ವಿಚಕ್ರವಾಹನಗಳ ನಿಲುಗಡೆಯನ್ನು ಚಾಲನೆಗೆ ಹರಸಹಾಸ ಪಡುವಂತಾಗಿದೆ. ಆಸ್ಪತ್ರೆಯ ವಾಚ್ ಮ್ಯಾನ್ಗಳು ದ್ವಿಚಕ್ರವಾಹನಗಳ ನಿಲುಗಡೆ ತಡೆಯಲು ಹೋದಂತ ಸಂದರ್ಭದಲ್ಲಿ ಇವರ ಮೇಲೆ ಹಲ್ಲೆ ನಡೆದು ಠಾಣೆ ಮೆಟ್ಟಿಲೇರಿದ ಪ್ರಕರಣಗಳಿವೆ ಎಂದು ಆಸ್ಪತ್ರೆ ಮೂಲಗಳು ತಿಳಿಸಿವೆ.
ಇನ್ನು ಮುಂದೆಯಾದರೂ ಸಂಬಂಧ ಪಟ್ಟ ಇಲಾಖೆಯವರು ಆಸ್ಪತ್ರೆ ಆವರಣದಲ್ಲಿ ದ್ವಿಚಕ್ರವಾಹನಗಳ ನಿಲುಗಡೆ ನಿಷೇದಕ್ಕೆ ಕ್ರಮ ಜರುಗಿಸುವರೇ ಕಾದು ನೋಡ ಬೇಕಿದೆ.
ವಾಹನ ನಿಲುಗಡೆ ಕಟ್ಟಡಕ್ಕೆ ಬೀಗ..
ನಗರಸಭೆವತಿಯಿಂದ ನಿರ್ಮಿಸಿ ವಾಹ ನಿಲುಗಡೆ ಕಟ್ಟಡಕ್ಕೆ ಬೀಗ ಜಡಿದಿರುವುದು
ನಗರದ ಖಾಸಗಿ ಬಸ್ ನಿಲ್ದಾಣದ ನೆಲ ಮಹಡಿಯಲ್ಲಿ ನಗರಸಭೆವತಿಯಿಂದ ಸಾರ್ವಜನಿಕ ತೆರಿಗೆ ಹಣದಲ್ಲಿ ನೂರಾರು ವಾಹನಗಳ ನಿಲುಗಡೆ ಸುಸಜ್ಜಿತ ಪಾರ್ಕಿಂಗ್ ಸ್ಥಳ
ನಗರದ ಖಾಸಗಿ ಬಸ್ ನಿಲ್ದಾಣದ ನೆಲ ಮಹಡಿಯಲ್ಲಿ ನಗರಸಭೆವತಿಯಿಂದ ಸಾರ್ವಜನಿಕ ತೆರಿಗೆ ಹಣದಲ್ಲಿ ನೂರಾರು ವಾಹನಗಳ ನಿಲುಗಡೆ ಸುಸಜ್ಜಿತ ಪಾರ್ಕಿಂಗ್ ವ್ಯವಸ್ಥೆ ಮಾಡಿ ಸುಮಾರು ಎರಡು ವರ್ಷ ಕಳೆದರೂ ಉದ್ಘಾಟನೆ ಭಾಗ್ಯ ಕಾಣದೆ ಇರುವುದರಿಂದ ವಾಹನ ಸವಾವರು ತಮ್ಮ ವಾಹನಗಳನ್ನು ರಸ್ತೆ ಬದಿಯಲ್ಲಿ ನಿಲ್ಲಿಸುವುದು ಅನಿವಾರ್ಯವಾಗಿದ್ದು ಸುದ್ದಜ್ಜಿನ ವಾಹನ ನಿಲುಗಡೆ ಸ್ಥಳವಿದ್ದರೂ ಇಲ್ಲದಂತಾಗಿದೆ.
ವಾಹನ ನಿಲುಗಡೆ ಸ್ಥಳವಿಲ್ಲದೆ ನೆಹರು ವೃತ್ತ, ಸಾರಿಗೆ ಬಸ್ ನಿಲ್ದಾಣ, ಖಾಸಗಿ ಬಸ್ ನಿಲ್ದಾಣದ ಎಸ್ ಆರ್ ಕಾಂಪ್ಲೆಕ್ ಮುಂಭಾಗ, ತಾಲೂಕು ಕಚೇರಿ ಆವರಣ, ತಾಲೂಕು ಪಂಚಾಯತ್. ಲೋಕೋಪಯೋಗಿ ಇಲಾಖೆ ಹಾಗೂ ನಗರದ ಮುಖ್ಯ ರಸ್ತೆಬದಿ ಎಲ್ಲೆಂದರೆಲ್ಲಿ ದ್ವಚಕ್ರವಾಹನಗಳ ನಿಲುಗಡೆಯಿಂದ ನಗರದಲ್ಲಿ ದ್ವಿಚಕ್ರವಾಹನ ಕಳ್ಳರ ಹಾವಳಿ ಹೆಚ್ಚಾಗಿದ್ದು ಬೈಕ್ ಮಾಲಿಕರನ್ನು ಆತಂಕ್ಕೆ ದೂಡಿದೆ ಇದರಿಂದ ಪೊಲೀಸ್ ಇಲಾಖೆಗೂ ತಲೆ ಬಿಸಿಯಾಗಿದೆ.
ಈಗಲಾದರೂ ಸಂಬಂಧಪಟ್ಟ ಅಧಿಕಾರಿಗಳು ವಾಹನ ನಿಲುಡೆಗೆ ಕಟ್ಟಡ ಉದ್ಘಾಟನೆ ಭಾಗ್ಯ ಕಲ್ಪಿಸಿ ಎಲ್ಲೆಂದರಲ್ಲಿ ನಿಲ್ಲುವ ವಾಹಗಳಿಗೆ ಕಡಿವಾಣ ಹಾಕುವರೇ ಕಾದು ನೋಡ ಬೇಕಿದೆ.

ಚಿತ್ರದುರ್ಗ ರಸ್ರೆಯ ಲೋಕೋಪಯೋಗಿ ಇಲಾಖೆ ಮುಂಭಾಗದ ಮುಖ್ಯರಸ್ತೆಯ ಬದಿಯಲ್ಲಿ ನಿಲುಗಡೆಯಾಗಿರುವ ದ್ವಿಚಕ್ರವಾಹನಗಳು